رواية طفوف بقلم وسام الفراجي الجزء الاول

مجال اله.. اني يوسف ډم سنوني اذا اشرب من دمه ما يبرد كلبي عليه ...
ابوية .. ادري بيك بس زين بالأخير طفوف صارت الك
ردله يزن وهذا المطلوب
وباوعولي اثنينهم اني استحيت ونزلت راسي ..
جان ابوية يسأل يزن شلونها طفوف وياك 
باوع يزن عليه و ردله ..
جاي اعيد تربيتها شوية شوية الله يسامحك عمي مو ضابها زين
ابوية .. ميخالف ابني نص عليه ونص عليك وهي تستعدل
يزن .. اي عمي تدلل بدون ما توصي اصلا بس إسألها شلوني وياها
ابوية .. شلون يزن وياج يطفوف 
فكرت شوي وكلت اذا انطق كلمة غير الي يريدها يسويلي عرس مال كتل وابوية ما يرضى احجي عليه ..
كلت اله ..
زين وياي حيل يابه .. صرت أكح وطلعت حتى اشرب مي واسمعهم يضحكون اثنينهم بصوت عالي بس ماعرفت ليش يضحكون ..
رحت اخذت استكانات مالت الجاي الي شربوها وشايلة صينية بيدي اخذت استكان ابوية
ورحت ع استكان يزن اخذته جان يكلي يزن بصوت خفيف ..
شو صافنة بس لا شفتي جلب بيت صالح !
اني فهمت قصده ديقلد عليه ع سوالفي قبل ما ياخذني
سكتت ورحت
طلعت شايلة الجاي جان تشوفني مريم وتكلي
ههههههه والله تضحكين طالعة عبالك من العصور القديمة
شبيج مريم ليش 
متشوفين ملابسج ضايعة بيها هاي كل وحدة تتزوج تتمرعد وتتمرغل هيج 
اسكتي اكرمينه بسكوتج بالله
امي .. موبايلج وين 
طفوف .. بالبيت نسيته
امي .. بيج شي 
طفوف .. لا
امنة .. تعالي طفوفة للغرفة اريدج
طفوف .. جاي امونة دقايق
رحتلها وقفلت الباب وكعدت ..
كالتلي احجيلي شلونه وياج يزن خوما يأذيج 
بصراحة ردت اجفص كلشي حمل بكلبي بعدين تذكرت ټهديد يزن وسكتت وكلت الها زين وياي شكد جنت اشوفه انسان حاقد وماعنده مخافة من الله بس طلع يحبني صدك وصحيح حارب يلا حصلني 6 سنين ورفضته وطردته هو واهله ومرة طردت امه ومرة تفلت بوجهه وشكد فشلته وكتله اشياء مو حلوة بس طلع خوش انسان مو مثل ما جنت متصورته وتحمل كل هالامور واخذني بالأخير ..
امنة .. زين شنو موقفه من يوسف 
طفوف .. ما جاب طاريه لهسة
امنة .. احسن و انت اذا فتح موضوعه لتدافعين عنه ابد
طفوف .. شدافع غير ياكلني بدون ملح ..
بهاللحظة اسمع صوت مريم تصيح طلعت الها جان تكول يزن يكلج حضري نفسج حتى نروح للسوك نمر ع محلاتنا ونشتري كم شغلة ونرجع للبيت ..
سيارة يزن يم ابوية اخذها منه وصعدت ويا يزن وطلعنا للسوك ..
وكف يزن عند المحلات وكلي هذني اخذتهن ڠصب عن شارب يوسف وابوه هيج دست ع شواربهم دوس وطلعتهم
كتله عاشت ايدك حبيبي
كلي شو احسها مو من كل كلبج
كتله لا عمري طز بيهم كلهم اهم شي انت مرتاح ويجيك دخل زين يفيدنا
كلي انتظري اجيب موطة واجي لحظة وكف سيارة عند محلاتنا ونزل ..
راح لمحل الموطة واني كاعدة شفت يوسف ديتمشى من محلهم بالفرع الثاني عليه ..
اني خفت من كلبي وخفت من يزن لا يشوفه وماناقصني مشاكل ..
يوسف يمشي واجه مباشرة ع سيارة ومابيها بس اني ويا مصېبتي هسة يشوفه يزن ويكلي انت مواعدته او مراسلته وبينكم تواصل من غير العركة الي راح تصير. .
يزن ينتظر يكملوله الموطة ..
يوسف ديتمشى ومتجه عليه واني كاعدة من كدام قرب السايق ..
حدما وصل ليمي وباوعلي يوسف شافني وعرفني ..
عرفني طفوف كلي طفوف اشرتله بيدي