رواية طفوف بقلم وسام الفراجي الجزء الاول

فتحه لكه بعد الرمز بي جان يكلي تعالي قربي يمي
قربت .. كلي قربي انوب . قربت لزم اذاني وكرصها كلي مو كتلج لتحطين رمز
والله نسيت ألغي
الغي لا ألغي راسج من الوجود وهذا حرف الياء ماريد اشوفه كدامي الغي من الحروف الابجدية كلها
هسة الغي القفل تمام ... لغيته ونطيته اياه
صار يگلب بي واني مېتة خوف لا يشوف الواتساب ..
يريد يفتح يوتيوب حتى يشغل ساجدة عبيد ..
احس كلما يدور ينقص من عمري سنة
حدما شاف يوتيوب وفتحه وكتب ساجدة عبيد ردح ..
شغله وكلي هزي ..
والله مااعرف
هزي اكلج
يمعود مااعرف لو اعرف اكلبلك الغرفة هز
لزمني من خصلة شعري وكلي نامي ع كاع وسحلني من شعري ع طول الغرفة وكلي كومي هزي لو امسح بيج الغرفة انوب . 
ماظل عندي حل غير اهزله ..
هزيتله ب الي اعرفه وطفه الموبايل وشمره لهناك وكال بعصبية ..
كافي كافي عبالك غسالة خربانة
تمام وكفت ..
شبيج يعني اني مزاجي يطلب هيج شي غير تتعلمين 
الله خلقني ما اعرف اردح شسوي يا يزن
وۏجع تعلمي شغلي واركص من تصيري وحدج بالغرفة وتعلمي كلشي ما تعرفين كطيعة تكطعج ..
يا بلوتي الماتخلص .. اني وين وعقلي وين وهذا يدور ردح ميدري مشتعل جد جدي من ورى هالسوالف ..
يابوية اذا عرف هالشي الا ياكلني بدون ملح ..
عيني ع تلفون اريد اشيله بس خاېفة اذا اشيله يتذكر التلفون ويلزمه يفتشه واني بس اريده يطلع حتلو للحمام نص دقيقة اريد بس ينطيني مجال دقيقة افهم شصار او اشيل تلفون من كدامه ..
كعدت واني عيني ع ايد يزن و التلفون المشمور متر عنه وهو لازم تلفونه وصار يتصفح بي ويگلب بي ..
جان باوعلي هيج ويكلي تعالي عندي ..
يارب دخيلك شعنده من سالفة انوب
شلت نفسي وكعدت عنده كلي گربي انوب گربي ..
صرت قريبة عليه ..
صار يمسح ع كتفي ويكلي ..
اجازتج اسبوع وترجعين للدوام مو 
اي مو خابرت المدير واتفقت وياه انت!
راح اخابره انوب واخلي يسويها اسبوعين
بس لازم اداوم صفي محد جاي ياخذه وذنب الطلاب بركبتي اذا ما اخذتهم !
ويلي ويلي الخاېفة من الذنب تحسسني متدينة فول
راح اخابره واذا ما قبل تغيبين ڠصب عنج اني رجلج مو هو
تمام سوي الي يعجبك ..
اني والله رغم كل هالضغوط وسوالفه الي مالها داعي بس ماهمني هسة غير شصار ع صور وشسوة حيدر او المدير لان الاشعارات مالت واتساب ملغية ..
بهاي الدقيقة
جان يدك عليه تلفون مو مسجل ونهايته 33 


رواية طفوف الفصل الثالث 3 بقلم وسام الفراجي

اني والله رغم كل هالضغوط وسوالفه الي مالها داعي بس ماهمني هسة غير شصار ع صور وشسوة حيدر او المدير لان الاشعارات مالت واتساب ملغية ..
بهاي الدقيقة
جان يدك عليه تلفون مو مسجل ونهايته 33 
التلفون صامت ..
بزاوية الجرباية من الزاوية الثانية ..
يزن بالزاوية المقابيلها ..
لازم تلفونه و تلفوني اتصال شغاله الشاشة واتصال رقم وهو مو منتبه اريد بس يخلص اتصاله حتى يروح الاتصال لا ينتبه ..
منتبه ع عيونه لا تنرفع ع موبايلي ..
انكطع الاتصال ارتاحيت انتظر تطفي شاشة الموبايل
طفت يلا اخذت نفس صحيح ..
جان يدك مرة ثانية يبو يحظي متكلي شلزكت يا استاذ حيدر وهو ما مرة دك عليه بس اظن لان الشغلة تخص الصور الي دزيتهن بالغلط للكروب
ياااارررربي شهالمشاكل هاي وين اصد ووين اغطي وعندي زوج هو