رواية طفوف بقلم وسام الفراجي الجزء الاول
المحتويات
رجع كالب خلقته مثلما هي ..
كلي باجر دزيلي صور لتلفوني مخلص شحن واحذفيهن منج كتله تمام ..
كلي تحذفيييهن اكلج كتله اي تمام امر
بالأخير اخذ الي يريده و لف راسه ونام ..
حطيت راسي للمخدة وصرت اسولف ويا روحي الله لا يسامحك يا شهاب
ابجي ودموعي تهل ع خدودي وماريد اهز من ابجي لا يسمعني ويكعد ..
بسرعة صرت امسح بدموعي بهدوء ..
رفعت ايدي امسح بخدي جان كبل ما اوصلها خدي لمسته ايد ثانية فزيت وصحت ع سريع لكيته يزن كاعد وكلي
دتبجين يااا مسكينة خاف مشتاقة لأحدهم !
يزن شبيك ليش هيج تعاملني
عروسة وبليلة عرسها تبجي شنو أفسره مثلا غير تبجي ع حبيبها ما اخذها ..
ثاني يوم العرس طلع يزن زوجي من الغرفة لشغلة ويرجع فكلت خليني انزل الواتساب احفظ الصور بمحادثتي الواتساب الخاصة بية كبل ما يجي
حتى احفظهن وابعدهن عن العين لأن صور خاصة بين عروس وعريس جدد ..
رواية طفوف الفصل الثاني 2 بقلم وسام الفراجي
صرت ثولة وحددت الكل ورسلتهن لمحادثة خاصة وحددتهن جميع وحتى احولهن لمحادثتي الثانية راحت لكروب الصف الأول ابتدائي بالغلط ...
جمدت بمكاني عقلي وكف بعد مايشتغل لان يزن من غير شي هيج يعاملني واني عروسة اذا عرف هالشي يطلكني ويشبعني كتل ..
خوف وارتباك وما ادري شسوي ..
نزلت ع محادثة بسرعة حتى احذفهن حددتهن كلهن ومن الارتباك والخۏف حتى احذف من الجميع حذفت لدي فقط ..
مكان المصېبة صارت مصيبتين يارب دخيلك استرني بسترك ومااعرف يا دقيقة يدخل يزن للغرفة ..
هو البارحة منعني انزل واتساب واليوم نزلته بدون مايدري وبالغلط الصور انتشرت بكروب طلاب الصف الاول وهذا الكروب ارقام لو امهاتهم لو اباهم
.. راسلت المدير ع السريع استاذ سلام استرني الله يستر عليك صوري نزلت بكروب صف اول بالغلط وحتى احذفها من الجميع حذفتها لدي فقط ..
واني بحالة مكدر اسوي شي بداعة الله تصرف من عندك
باوعت ع خط الرسائل خط واحد بمعنى مو فاتح نت ..
ياربي شهالحظ هذا مالي المصخم ..
شفته كلت يجوز يطول كلت اراسل استاذ حيدر ياخذ شعبة الثانية باء من صف الأول وابلغه بالموضوع بلكي يخابره ع السريع ..
لان اني مرشدة شعبة أ وحيدر ب واثنينه والمدير بكروب الاول ..
فتت لكروب المدرسة الخاص بالمعلمين والمعلمات اخذت حساب استاذ حيدر رقمه يعني لان ماجنت حافظته مجرد اعرفه بالمجموعة وياي ..
نهايته جان 33 اثير ماحفظته بس راسلته منه .. وبلغته بالمشكلة كلها كتبتله كل الي صار ..
وهسة يرد وهسة يرد وصار خطين ويارب يرد الوكت احسه يركض ركض متعرفون شنو احساسي بذاك الوقت جان الكل عذرني ..
رررررد الف الحمد لله يا رب ..
وكالي اني اخابره وافهمه ..
كتله شتفهمه استاذ صور بالكروب ماشفتهن
كالي ست بله شفتهن كلهن والله معرف شهالصور الي انرسلت وطبيت فضول وشفتج بالصور وطلعت والله ..
استاذ حييدر لتبرر فضني خلصني ..
بسرعة دز استاذ حيدر رسالة بالكروب الصف الاول ..
تم ارسال صور خاصة لمعلمة
متابعة القراءة
