فرق السن
قعدت جنبه وفضلت اتكلم معاه وانا بعيط..
آسر... تعرف ان عمري ما حسيت بالخۏف زي ما حسيت النهاردة كده... حسيت اني هفقد حياتي وروحي... انت بالنسبالي كل حاجة يا آسر.. انت صاحبي واخويا وابويا و... وحبيبي.
لاقيته بدأ يفتح عينه ومسك ايدي وقال..
يعني كان لازم اموت عشان تعترفي بحبك ليا
اول ما قال كده فضلت اضحك جامد ومكنتش مصدقه انه صحى وكلمني وخلاص بقى كويس
انا عمري ما زعلت منك يا مريم... من وانت صغيرة وانا شايفك مسؤوليتي... كنتي ومازلتي مهمة جدا في حياتي... مش هنكر انك لما رفضتيني وقولتي اني زي اخوكي اټجرحت جامد... كانت اصعب ايام عدت عليا وفضلت فترة مروحش الشغل وكنت حاسس ان حياتي واقفة... كنت متضايق منك بس مكنتش عارف ابطل تفكير فيكي... لما كنت بطنش رسايلك ومكالماتك مش متخيلة كنت ببقى حاسس بإيه...بس دلوقتي صدقيني برغم حالتي دي بس انا اسعد انسان في الدنيا.
آسر طلع من المستشفى وروحنا البيت... عدت الايام وبقى كويس وبدأ يخرج تاني... وفي يوم لاقيته بيتصل عليا.
ايوا يا بطلي
حلوة اوي بطلي دي
حسيت ده اكتر لقب لايق عليك
طب انا باعتلك فستان مع جنى اختي اطلعي قابليها والبسيه وانزلي مستنيكي تحت
انزلي بس وهتعرفي ليه
لبست بسرعه.. كان فستان حلو اوي.. نزلت وكنت متشوقة جدا اعرف في ايه... لاقيته واقف بالعربية وبيشاورلي عشان اسرع
جيت اهو... رايحين فين بقى
يا ستي عاملك مفاجأه اسكتي بقى
ضحكت.. ماشي يا سيدي
وصلنا مكان حلو اوي... كانت حديقة كبيرة وفيها ناس كتير... كنت مستغربه... ايه ده دول قرايبي!... ماما ومامته هناك اهم!
ايوا اومال لو مش قرايبنا واصحابنا هما اللي هيحضروا خطوبتنا اومال مين اللي هيحضر
خطو ايه..
ابتسم.. خطوبتنا
خطوبتنا ازاي
لاقيته بيطلع خاتم من جيبه ومسك ايدي ولبسهوني
يعني انت دلوقتي بقيتي خطيبتي وكمان اسبوعين هتبقي مراتي ان شاء الله
كنت مصډومة... مكنتش مصدقة نفسي... عيطت من كتر الفرحة والناس كلها حوالينا بيسقفوا وكأننا في فيلم او اخر حلقة من مسلسل رومانسي!
وانت كل الرزق اللي ربنا رزقني بيه
جيب الخاتم بتاعك عشان البسهولك يلا
جاب
الخاتم واعطهوني... لبستهوله وبصيتله بكل ما فيا من حب
انا بحبك اوي يا آسر..
كنت طفلة تعلمت الشعور بالسعادة برفقتك... فأصبحت عاشقة تخطت كل درجات الحب بالنظر الى عينيك
