فرق السن
المحتويات
نورت الشركة والله.. بقالك كتير مجتش
كنت تعبان شوية الفترة اللي فاتت... هاتيلي كل الملفات اللي عندك واي شغل ناقص قوليلي عليه
من عينيا
نيرة تبقى زميلتي من ايام المدرسة... ايوا بتحبني.. وعلطول بتحاول تقرب مني بس انا مش شايف غير مريم... كنت بحكي لمريم عنها وكانت بتتعصب اوي لما بجيب سيرتها.. هه وانا كنت ببقى فرحان اوي ومفكرها بتغير عليا!
تمام شكرا يا نيرة
العفو... بقولك يا آسر.. ايه رأيك بعد الشغل نطلب اكل ونقعد نتكلم شوية
معلش يا نيرة انا هخلص شغل واروح لاني تعبان جدا
نيرة بحزن تمام
خلصت شغل وروحت... طلعت اوضتي وقلت اقف شوية في البلكونة... لاقيت مريم واقفة وبتشرب قهوة... كل يوم في الوقت ده كنت بعمل قهوة واخليها تعمل هي كمان ونقف نتكلم في الفون وكل واحد يحكي للتاني ايه اللي حصل في يومه.. بس خلاص.. ده معدش بيحصل.
آسر... هتفضل زعلان مني كده كتير
شفت الرسالة ومردتش... مش هرجع عن قراري مهما حصل.
مريم...
لما شاف الماسدج ومردش اتعصبت اوي.. عمره ما عمل معايا كده... بقاله اسبوع مبيكلمنيش ولا بيسأل عليا... بعده عني مضايقني جدا... حاسه بالوحدة وحاسه اني ناقصة حاجه...قمت ذاكرت شوية عشان محاضرات بكرا وبعدين نمت.
صحيت ورحت الجامعة وخلصت محاضراتي واتمشيت شوية لحد ما لاقيت نفسي واقفة قدام الشركة اللي آسر بيشتغل فيها... معرفش ايه اللي جابني هنا بس حاسه اني نفسي اشوفه... طلعت ووقفت قدام مكتبه وكان الباب مفتوح.. مشيت شوية ووقفت في مكان ميشوفنيش فيه... ببص لاقيت واحدة واقفه معاه وبتضحك وهو بيضحكلها!... بيضحكلها زي ما كان بيضحكلي... معقول يكون بيحبها... ثواني ده بيقولها يا نيرة...دي نيرة اللي كان بيحكيلي عنها وبيقول انها بتحبه! معرفش ليه حاسه بحريق جوايا... حاسه اني عايزة اعيط... مشيت من الشركة ووقفت تاكسي.... ليه حسيت بالاحساس ده لما شفته مع واحدة تانيه... مش انا مش بحبه ليه غيرانة بقى.
سعاد مريم... قومي يا مريم
ايوا يا ماما في ايه
ام آسر كانت هنا دلوقتي وقالتلي ان آسر مسافر بكرا
اييه.. مسافر! مسافر فين
بتقول
متابعة القراءة
