بقلم حبيبه الشاهد -١

لانه كان واقف متابع الحوار نزل لمستواها يباشر عمله
مراد لازم تروح المستشفى بسرعه دي غيبوبة سكر 
عامر بصله بدموع وخوف يعني ايه هتبقي كويسه
مراد لو لحقنها وودنها المستشفى ساعه بالكتير و هتفوق 
ساعده خالد و مراد انه يشلها و نزل بيها الى الأسفل فتح خالد الباب حطها في السياره وركبت جنبها توحيده و نيللي المڼهاره في البكاء و عامر ركب جنب خالد و انطلق إلى المستشفى
بعد فتره كانوا واقفين قدام غرفة الطوارئ و الخۏف مسيطر عليهم عامر كان في دنيا تانيه و خالد واقف جنبه بحزن مش قادر يتكلم ولا يقوله حاجه حتا مبصش ل نيللي المڼهاره من البكاء في حضڼ توحيده 
خرج الدكتور جري عليه عامر پخوف امي كويسه طمني عليها
الدكتور هي دخلت في غيبوبة سكر لان سكرها عالي جدا احنا حولناها على العنايه هتفضل فيها لغيط اما سكرها يتظبط هنعملها فحوصات عشان نطمن عليها اكتر
عامر اتنفس برتياح اقدر اشوفها 
الدكتور دلوقتي مش هينفع امشي دلوقتي و الصبح تعالى تقدر تدخل تشوفها بس مفيش قلق هي كويسه عن اذنكم 
جريت عليه نيللي مسكت ايديه پبكاء انا عايزة اشوف ماما 
شالها عامر بحنان مفرط ماما دلوقتي تعبانه الدكتور قال مينفعش ندخلها لانها نايمه هنمشي دلوقتي و الصبح هنيجي نشوفها 
مشي عامر هوا وتوحيده وخالد وصله البيت وقفته توحيده و هوا طالع على السلم شايل نيللي اللي نامت في حضنه من البكاء 
سبحان الله وبحمده عدد خلقه ورضا نفسه و زنة عرشه ومداد كلماته.
توحيده بحنان هاتها يا عامر تنام معايا و انت اطلع لعروستك
عامر اتكلم بتعب لا يا عمتي سبيها معايا 
خالد سيبها تبات مع عمتك انهارده على الأقل و اطلع أنت ل مراتك متنساش ان انهارده كان فرحك
اتنهد بتعب و نزل حطها على السرير برفق في غرفه توحيده و قبل رأسها بلطف و طلع على طول اول ما دخل رما المفاتيح باهمال على الترابيزه و قعد على الاريكه غمض عينه وهو سرحان بتعب ابتسم رغم ألمه... لما حس بيها بتقرب عليه
ندى قعدت في حضنه و اتكلمت برفة عامر 
فتح عينه بصلها و هوا على وضعه انا محتاجك اوي يا ندى 
بصتله بحزن على وجعه... رفعت نفسها قبلت خده مكان الضربه متزعلش من عمي أنت متعرفش كان السبب ايه
بصلها عامر مطولا على برائتها و تسامحها بابتسامة هادئة فيها شئ من الحد انا مش زعلان منه انه ضړبني... و انا متجوز و قدام مراتي لان مهما اكبر هيفضل هوا ابويا وليه الحق انه يضربني... لو عملت حاجه غلط دا لو كنت عملت بس دي وامي بسببه دخلت المستشفى بابا ماشي يضمر كل واحد فينا شويه وهوا شاف ان كدا هوا بيربينا صح
ندى مرات عمي عامله ايه شوفتكوا وانتوا دخلين البيت من غرها 
اتكلم بصوت مليان حزن هتفضل في المستشفى لغيط اما سكرها يتظبط انا تعبان اوي محتاج انام 
هزت رأسها بهدوء قام عامر دخل الغرفة رما نفسه على السرير بتعب و غمض عينه فتح عينه لما حس انها بتفتح زراير القميص 
عامر باستغراب أنتي بتعملي ايه 
ندى بصتله بخجل مفرط طلعتلك لبس قوم غير هدومك مش هتعرف تنام ببدلة الفرح
قعدت تحت رجله خلعت الجزمه و قامت خرجت من الغرفه حضرتله كوب عصير و رجعت دخلت الغرفه كان غير لبسه ونايم على السرير 
ندى برقة عملتلك عصير يروق دمك 
اخذ منها الكوب و هي قاعده جنبه بتحاول تخفف عن حزنه باي شكل شدها عامر في حضنه و ډفن وشه في حضنها
عند مروه كانت واقفه في المطبخ بتحضر الطعام بس حست بحركه وراها مهتمتش ل احساسها واعتقدت انها تهيؤات بس شعورها بالخۏف كان أقوه خلهت تلف تشوف مين وراها شهقت بفزع و قبل ما تصرخ كان كتم بؤها...
ليالي_العشق