رواية مكتملة بقلم سوما

فى حديثه معها سوا عند ذكر اسم زوجته المېته فهل توافق على هذا الزواج الشبيه بعقد الاتفاق كيف تفعل ذلك وهى تحلم طوال عمرها بأن تتزوج من من يحبها وتحبه فكيف توافق على أن تتزوج من من لا يحبها ولكن لا تستطيع الرفض فهى تحبه ولا تتخيل أن يمضى عليها يوما بدون ان تراه فيه كان عقلها يفكر فى ما سيحدث لها اذا وافقت واذا رفضت فهل ترفض وتترك المنزل وتبتعد عن حنين وعنه وتترك قلبها معه ام توافق وتحيا معه حياه سيكون الحب فيها من طرف واحد فأمامها حلين كلاهما قاسى
حنين انتى زعلانه منى يا سلمى
سلمى ليه يا حبيبتي بتقولى كدا
حنين علشان بكلمك مش بتردى عليا
سلمى معلشى يا حبيبتي كنت بس سرحانه شويه انتى عايزه اعملك حاجه
حنين بدموع صحابى النهارده فى المدرسه سألونى انا ليه معنديش مامى بس انا قولتلهم أن مامى راحت عند ربنا وانك انتى مامتى الجديده صح كدا
سلمى وهى ټحتضنها وتبكى صح يا حبيبتي انا مامتك الجديده
وبكت سلمى فقد اجابتها حنين عن سؤالها لن تستطيع الابتعاد عن من احبتهم وستوافق ستوافق أن تعيش بلا قلب بلا مشاعر
نهبسم الله الرحمن الرحيم
لا تدع القراءه تلهيك عن الصلاه
الفصل السابع عشر
فى منزل رفيق
كان رفيق يجلس مع زوجته وابنه
زوجته يعنى ايه الكلام ده يا رفيق بقى انت رايح علشان تجيب البت من شعرها وترجع تروح تتفق على جوازها وكمان عايزنا نحضر معاك الفرح
رفيق لازم يا جميله لازم نحضر دا الراجل اللى اسمه حمزه ده طلع غنى جدا دا دفع المهر نص مليون جنيه وقال الشبكه هديه منه للعروسه أقوله انا لا
ابنه طيب وانا يا بابا مش كنت هتجوزها ليا علشان تربى عيالى
رفيق يا خويا البنات ماليه الدنيا خلينا نسترزق من وراها لما يبقى لينا سند ذى جوزها كدا هنعمل كل اللى احنا عايزينه ومانخافش من حد لان بقى لينا ضهر نتسند عليه ما انتوا مشفتوش القصر اللى هو قاعد فيه
جميله يا عينى على حظك يا نهى يا بنتى مش هى كانت اولى
رفيق والنبى بلاش هبل وهو كان هيشوفها فين طاب هبه شافها علشان شغاله فى المستشفى بتاعته بنتك كان هيشوفها فين
جميله يا خويا ادينى بفضفض هو انت لازم تقفلى على الكلمه المهم كلمت امها ولا لسه
رفيق ايوه كلمتها وقولتلها على معاد الفرح بس انتى عارفاها جوزها واكل دماغها ميهمهاش حد فى الدنيا غيره مسألتنيش بنتها هتتجوز مين حتى
جميله يلا يدي الحلق للى بلا ودان
فى اليوم التالى
فى الشركه
كانت رقيه جالسه على مكتبها تطبع بعض الأوراق الخاصه بالعمل عندما لاحظت وقوف يوسف امام مكتبها فوقفت
رقيه فى حاجه يا فندم اقدر اعملها لحضرتك
يوسف وهى ينظر اليها متفحصا مالك يا رقيه متغيره بقالك فتره انا عملت حاجه زعلتك
رقيه بأرتباك ابدا يا فندم مش متغيره ولا حاجه
يوسف امال مالك انا حاسس ان فيكى حاجه
رقيه ابدا والله بالعكس وابتسمت فى حاجه اقدر اعملها لحضرتك
يوسف بأستسلام ماشى يا رقيه هاتيلى ملف الصفقه الجديده
رقيه وهى تتجه للخزنة ثوانى يا فندم
ولم تلاحظ رقيه الصندوق الذى وضعته منذ قليل على الارضيه و يعيق طريقها الا عندما اصطدمت به ففقدت توازنها ولكن يوسف كان سريعا للغايه فتلقفها قبل ان تقع وقف الاثنان ينظرون لبعضهم بعضا ذهولا من وضعهم ولم يفيقا من ذهولهم الا على صوت سعيد العالى
سعيد الله الله بقى علشان كدا رفضتينى طيب كنتى قوليلى انك مش فاضيه كنت استنيت دورى
يوسف وهو يبتعد عن رقيه ببطء ايه اللى انت بتقوله ده يا سعيد حافظ على كلامك فاهم
سعيد وهو ينظر بخبث لرقيه التى بلغ منها الاحراج مبلغه بقى انا كنت فاكرك محترمه وداخل بقى دخلت نتجوز طيب كنتى فهمتينى واتفقنا مع بعض انا بردوا
لم يكمل كلامه بسبب يوسف الذى انهال
عليه باللكمات لتنشأ بينهم معركه طاحنه تجمع على اثرها موظفين الشركه ومنهم طارق الذى تدخل مع بعض من رجال الأمن لفض الاشتباك بين الاثنين بينما رقيه تبكى
طارق اهدوا فيه ايه انتوا اتجننتى ولا ايه
رقيه وهى تبكى انت كداب حرام عليك تقول كدا
سعيد والنبى بلاش دور المحترمه ده خلاص مبقاش لايق عليكى
يوسف وهو يتخلص من طارق الذى يمنعه من التحرك وينقض على سعيد مره اخرى اللى انت بتتكلم عليها دى اشرف من مليون واحد ذيك دى مراتى يا حيوان
سعيد وهو يبتعد عنه مراتك اللى هو ازاى يعنى
يوسف ايوه مراتى كتبنا الكتاب من اسبوع يعنى اللى عنده كلمه يلمها فاهمين ويلا كل واحد على شغله وانت يا سعيد اتفضل امشى مبقاش مرحب بيك هنا
سعيد بقى كدا انا ماشى
بعد رحيل سعيد
دخلت رقيه فى نوبه من البكاء ولم تنفع محاولات يوسف او طارق فى تهدئتها
رقيه ايه اللى انت قولته ده انت فاكر انك كدا حليت الموضوع دا كدا اتعقد اكتر
يوسف لا اتعقد ولا حاجه كله هيبقى تمام
رقيه ازاى يعنى وانت قولت قدام الكل أن احنا اتجوزنا مفكرتش اللى شغالين معانا هيقولوا علينا ايه لما يعرفوا انك كنت بتكذب
يوسف يعنى كان فى حاجه غير كدا اقولها وقولت لا سعيد كان هيسوء سمعتك فى الشركه كلها
رقيه طاب والحل دلوقتى
يوسف وهو ينظر اليها مفيش قدامنا غير اننا تتجوز فعلا
رقيه انت بتقول ايه
يوسف عندك حل تانى لو متجوزناش اى كلمه هيقولها سعيد او اى موظف هنا هتتصدق لانك عايشه لوحدك والكل عارف كدا يبقى مفيش غير الحل ده قولتى ايه
رقيه بدموع ملهاش حل تانى انا موافقه
فى منزل عماد
كانت فاطمه تخرج من غرفتها متجهه الى الشركه عندما رأت ريهام التى تتقدم نحوها وهى ترتدى قميص نوم ڤاضح جعل وجه فاطمة يحمر خجلا مما ترا
ريهام وهى تقف أمامها ايه مش هتقوليلى صباحيه مباركه يا عروسه
فاطمه وهى تنظر اليها بتحدى عروسه ايه احنا هنضحك على بعض امال لو مكنتش قفشاكى معاه قبل كدا كنتى قولتى ايه
ريهام بغيظ ايه اللى انتى بتقوليه ده انتى مش محترمه
وتركتها فاطمه تغلى لتتحرك پغضب بأتجاه غرفه عماد لتوقظه
ريهام شفت بنت عمك عملت معايا ايه
عماد وهو يعتدل على الفراش عملت ايه على الصبح
ريهام بتقول عليا مش محترمه وانها مش فاضيه ليا يرضيك كدا يا بيبي
عماد بصى يا ريهام انتى لما وافقتى تعيشى معاها هنا اتفقت معاكى مش عايز مشاكل انما بقى لو هصحى كل يوم على خڼاقه يبقى اجبلك شقه بره واريح نفسى
ريهام وهى تجلس فوق قدميه واهون عليك يا بيبى خلاص متزعليش مليش دعوه بيها بعد كدا
عماد ايوه كدا هو ده الكلام انتى كدا حبيبة قلبى
بالفعل تم عقد قران رقيه ويوسف بعد أن تقدم يوسف لوالدها الذى بناء على موافقة زوجته على هذا الزواج وافق هو ايضا من اجل المهر الذى سوف يأخذه من يوسف
ولم يفكر بلحظه واحده فى ابنته وقابلت والدة يوسف قرار عقد القران بصدر رحب لانها بالفعل تريد رقيه زوجه لأبنها واتفقوا أن يكون موعد الزفاف بعد شهر
فى سيارة يوسف
كان يوسف يقود سيارته ويتحدث مع طارق الموجود معه فى السياره
طارق يا عم متقولشى كدا وتنكد على نفسك انت لسه كاتب كتابك النهارده
يوسف اصلك مشفتش وشها وهى بتمضى على العقد كنت عرفت اد ايه هى حزينه
طارق يا عم لا حزينه ولا حاجه متخليش الشيطان يصورلك حاجات مش موجوده وافرح بقى مش دى رقيه حبيبة القلب
يوسف پألم كان نفسى يوم ما اتقدملها ميكونشى كل ده حصل علشان متكونشى مغصوبه عليا
طارق يا عم انت مين قالك انها مغصوبه
يوسف وهو ينظر اليه لا مغصوبه لان لولا كلام سعيد
طارق مقاطعا بصړاخ وهو يرا الشاحنه الواقفه فى منتصف الطريق حاسب يا يوسف حاسب
لتصطدم سياره يوسف بالسياره النقل المتوقفه وخلال لحظات اندلعت النيران فى السياره اثناء محاوله اخراج الماره راكبيها
بسم الله الرحمن الرحيم
لا تدع القراءه تلهيك عن الصلاه
الفصل الثامن عشر
فى المستشفى
كانت رقيه تجلس شارده تنهمر الدموع من عينيها امام غرفه العمليات فمنذ أن هاتفها طارق وهو يبكى ويخبرها عن الحاډثة وهى لا تستطيع ان تصدق ما حدث وكانت تجلس بجوارها وفاء التى تبكى بحرقه ويحاول طارق تهدئتها عندما خرج الطبيب ليلتفوا حوله قلقين
طارق طمنا يا دكتور
الطبيب الحقيقه الحاله صعبه اوى لان الانفجار كان ناحيته هو في جسمه من فوق الجزع فيه حروق كتير هيحتاج عمليه تجميل اما بالنسبه لوشه
ففى شظايا من الازاز دخلت فى عينه والأسف تسببت له فى العمى
طارق لا حول ولا قوه الا بالله وده ملهوش علاج يا دكتور
الطبيب لا طبعا ليه بس اهم حاجه الحاله النفسيه والعلاج الطبيعى علشان العمليه يكون ليها نتيجه ايجابيه
وفاء يعنى ابنى خلاص بقى اعمى
رقيه وهى ټحتضنها وتبكى متقوليش كدا هيبقى كويس و هيعمل العمليه صدقينى هيبقى كويس
طارق بدموع اهدوا يا جماعه الدكتور قال اهم حاجه الحاله النفسيه بتاعته
وفاء وهي تحتضن رقيه متسيبهوش يا رقيه دا بيحبك اوى اوعى تسيبيه دا يروح فيها
رقيه متقوليش كدا يوسف جوزى وانا عمرى ما اسيبه حتى لو مش بيحبنى
بعد مرور اسبوع
فى فيلا كريم
تم عقد قران كريم على سلمى التى تفاجأت من حضور عمها وزوجته ليقوم عمها بتزويجها لكريم وكان عقد القران عائلة ولا يوجد زفاف بناء على رغبه كريم موافقه سلمى على ذلك وبعد انتهاء عقد القران طلبت سلمى من عمها الجلوس معه قليلا لتتحدث إليه
سلمى ازيك يا عمى حضرتك عامل ايه
كمال كويس انك لسه فاكره انك ليكى عم انا لولا كلام الناس مكنتش وافقت على المهزله دى بقى تهربى من البيت وتقعدى عند راجل غريب ومعرفشى عنك حاجه غير لما ييجى يتقدملك
سلمى
بلاش يا عمى نلف وندور على بعض حضرتك عارف انا هربت ليه بس خلاص مبقاش ليه لزوم الكلام ده لان خلاص حضرتك مبقتشى الوصى عليا بس انا بردوا لسه بنت اخوك واملاكى هى املاكك علشان كدا عايزه حضرتك تستمر فى اداره الاملاك دى
كمال بدهشة انتى بتتكلمى بجد
سلمى ايوه طبعا يا عمى حضرتك الوحيد اللى فاضلى من بابا الله يرحمه
كمال سامحيني يا بنتى انا كنت فاكر لما توصلى السن القانونى هترمينى فى الشارع
سلمى لا يمكن دا انت عمى يعنى سندى فى الدنيا
كمال وهو ينظر اليها لو احتجتى اى حاجه انا موجود والمال مالك فاهمه
سلمى بأبتسامه فاهمه يا عمى فاهمه
فى منزل عماد
كانت فاطمه تتجاهل كل محاولات ريهام فى اغاظتها ولا تعير لها اى انتباه وكانت تستعد للخروج مع نشوى عندما قابلها عماد وهى تخرج من الفيلا
عماد ايه ده رايحه فين
فاطمه وهى تتخطاه رايحه مشوار مع نشوى
عماد يا سلام مش المفروض انا اعرف بالمشاوير دى قبل ما تخرجى
فاطمه والله انا لو بشوفك كنت قولتلك بعد اذنك بقى علشان متأخرش على نشوى
عماد ماشى بس متتأخريش فى الرجوع
فاطمه بأستهزاء والله ماشى ربنا يسهل
وتركته وخرجت بينما وقف ينظر اليها وهى تبتعد ويفكر ان الحمل يعطيها جمال فوق جمالها وخرج من أفكاره على ريهام
ريهام رجعت امتى يا بيبى
عماد وهو يلتفت لينظر اليها لسه راجع يا حبيبتي عايزه حاجه
ريهام اه بلا البس علشان نخرج
عماد انا لسه راجع ومرهق اوى خليها يوم تانى
ريهام لا مش يوم تانى يلا بينا دلوقتى مليش دعوه انا زهقت من قعدة البيت
عماد بأرهاق ماشى يلا بينا يا حبيبتي متزعليش
فى المستشفى
منذ أن أستيقظ يوسف فى المستشفى وهو لا يتحدث مع احد سوا طارق ووالدته ويتجاهل رقيه ولا يتحدث معها ويرفض أن تبقى بجواره
يوسف وهو يشعر بوجود شخص معه فى الغرفه ماما ماما انتى جيتى
رقيه طنط تعبت شويه فطارق رجعها البيت
يوسف مروحتيش معاهم ليه
رقيه انا عايزه اقعد معاك مش عايزه اروح
يوسف ببرود وانا مش عايزك تقعدى معايا انتى ايه مش بتفهمى
رقيه ببرود وانا مش عايزه اروح ومتفتكرشى لما تعاملنى كدا هسيبك وامشى لا انا كدا كدا قاعده معاك
يوسف وهو يتمدد على الفراش انتى حره بس متعمليش صوت علشان عايز انام
رقيه بأستسلام حاضر تصبح على خير
ولكنه لم يجيبها بينما جلست هى على المقعد تفكر فى سبب تغير معاملته معها
فى غرفه كريم
كانت سلمى تجلس بتوتر ففى خلال لحظات سيدخل كريم عليها الغرفه لبدء حياتهم الزوجيه معا وعلى الرغم من خۏفها من هذه الخطوه الاولى انها سعيده للغايه فهى تحبه وستتأكد من أن تجعله يبادلها الحب ايضا
كريم وهو يدخل الغرفه مساء الخير عامله ايه
سلمى بخجل مساء الخير انا كويسه الحمد لله
نظر كريم الى سلمى التى كانت تجلس على المقعد وترتدى فستان باللون الاحمر النارى وتطلق لشعرها العنان وكان يراه لأول مره وشعر پألم فى قلبه مما سيقوله لها ولكنه مضطر لما سيقول حتى لا يحدث مشاكل فى المستقبل
كريم بتنهيده طبعا انتى عارفه احنا اتجوزنا ليه علشان خاطر حنين علشان كدا انا عايز نعيش ذى الاخوات مش عايز نكمل جوازنا علشان مكنشى بظلمك معايا لانى لسه بحب ام حنين ومش متخيل نفسى مع واحده غيرها فياريت متزعليش من كلامى انا بقول كدا علشان مظلمكيش معايا فى الجوازه دى او اكون معاكي إنما عقلى وقلبى مع ام حنين الله يرحمها قولتى ايه
كانت سلمى لا تصدق اذنيها فكل آمالها واحلامها
تبخرت امام عينيها فهو لا يريد حتى أن يتمم زواجهم ولاجل الحفاظ على كرامتها من الاهدار اكثر من ذلك
سلمى انت عندك حق فعلا فى اللى بتقوله بس هنقول ايه لماما هويدا
كريم احنا هنام مع بعض فى نفس الاوضه بس انتى على السرير وانا على الكنبه لغايه لما أضم الاوضه دى و الاوضه اللى جنبها لبعض هبقى اعمل حسابى على مكان انام فيه
سلمى ماشى خلاص تصبح على خير
مريم وانتى من اهل الخير
دخلت سلمى الى ورده المياه بتغيير ملابسها وفتحت صنبور المياه ليغطى صوت المياه على صوت بكاءها
بسم الله الرحمن الرحيم
لا تدع القراءه تلهيك عن الصلاه
الفصل التاسع عشر
فى قنا
كان قصر حمزه ملئ بالضيوف الذين أتوا للتهنئه بالزفاف السعيد وبعد عقد القران كان حمزه يرتدى الجلباب الابيض وفوقه العبايه السوداء التى تتزين بحدود ذهبيه ويجلس بين الضيوف يهنئونه بالزواج وتظهر السعاده واضحه على وجهه
وفى الداخل
كانت هبه ترتدى فستان ابيض اللون وكانت تتزين بكميه كبيره