سيدة قلبي لسولييه نصار

راجل ما احنا شركا في فطمني
بصيت لها پصدمة وقولت
شركا ايه اللي يخربيتك انتي ناوية توديني في روحي دلوقتي 
هزت راسها وقالت بصوت واطي
طيب هروح المطبخ 
روحي 
واد يا احمد 
بصيت لها پصدمة وقولت
ايه واد ده انا ولي نعمتك يا بت 
لا يا اخويا كان زمان أنا دلوقتي وارثة مليون جنية .المهم بقولك فيه اكل في المطبخ 
ايوة كنا عاملين ورق عنب امبارح روحي اطفحي.
حالا يا ابو حميد 
وراحت مشيت بسرعة ولسا هلف عشان ابص علي اهلي
لقيتهم في وشي ...
امي مسكت قلبها وقالت
انت صحيح اتجوزت الكائن

ده يا احمد 
ايوة يا امي تحبي اوريكي ورقة الجواز ..
حطت ايديها علي قلبها فمسكها ابويا وقال
تعالي يا آخر صبري 
وداني علي المكتب بتاعة واول ما قفل الباب بصلي وقال وهو مصډوم
ملقيتش الا بسمة عشان تتجوزها !
هويت كتفي وقولت
مالها بسمة يعني مش إنسانة ولا هي سمكة مثلا...وبعدين انت قولت اتجوز عشان تاخد الثروة محددتش اتجوز بسمة ولا كارمن دي غلطتك ....
ضحك ابويا وقال
انت فاكرني غبي يا واد انت ...فاكرني مش عارف ان الجواز ده مسرحية بينكم عشان الثروة وهطلقها بعدين ..بس لا يا احمد ..ده انا ابوك عيب حافظك وكنت متوقع حاجة زي كده عشان كده انا غيرت الاتفاق ..
اټصدمت وزعقت
انت مستحيل تعمل حاجة زي كده انت وعدتني ...
اسمع للاخر شرطي عشان اديك الفلوس 
اتفضل قول ...
بعد ساعة كنت في اوضتي أنا وبسمة عشان نجهز وننام شوية ...كنت قاعد بفكر في شرط بابا ...
وقفت قدامي بسمة وقالت بقلق 
ايه وافق يديك الفلوس !!
ابتسمت وهزيت راسي وقولت
ايوة بس شرط عليا شرط تعجيزي
ايه هو
اني اجيبله حفيد!!!
سيدة_قلبي
سولييه_نصار
34
الجزء التالتبقلم سولييه نصار
وانت هتجيبله حفيد من فين !
سألت بصتلها وقولت
ما شاء الله علي ذكاء اهلك يا بسمة شكله ورق العنب كبس علي خلايا التفكير عندك ...مفروض احنا الاتنين نجيبله حفيد 
نجيبله ازاي 
عوض عليا عوض الصابرين يارب
قولتها وانا بهز راسي بيأس ...
بعدين قومت ومسكتها وقعدت اهزها...
فوقي يا حبيبتي فوقي هي العيال بتيجي ازاي مش معقول تكوني للدرجادي 
استوعبت اللي بقوله ووشها حمر واتكسفت
ضحكت بتريقة وقولت
ايوة كده فوقي معايا شوية عشان نفكر في حل للمصېبة دي 
حاوطت نفسها بحماية وقالت
حل ايه ...أو تفتكر انك هخليك تلمس شعرة مني يا احمد بيه أنا ولية شريفة عفيفة مبعملش 
يا ست أنا جوزك اتهدي بقا وبعدين متقلقيش مش هنوصل للمرحلة دي ابدا ...اقعدي بقا عشان نلاقي حل ...
قعدت أنا وقعدت هي جمبي ...كنت بجد متضايق ...ابويا لعبها صح ...من فين اجيب له حفيد أنا من
فين ...لو فعلت جوازي من بسمة أنا كده حياتها وحياتي وهيبقي بيننا طفل ملوش ..كانت بسمة بتبصله بحزن علي حاله وقررت تساعده 
اهدي بس هنلاقي حل

بإذن الله 
هزيت راسي وقولت
ابويا صعب يا بسمة هو قاصد يعمل كده عشان اتجوز ...فاكر اني كده هتعدل 
طيب ما تتجوز 
بصتلها فقالت
شوفلك بنت مناسبة ليك وحبها واتجوزها 
ضحكت وقولت
ها وبعدين اكتشف انها مختلفة كتير عني ونبقي نسخة تانية من بابا وماما وبعدين نجيب طفل ونرميه لوحده وننشغل عنه عشان نوفرله مستقبل بدل ما نوفرله حب واحتواء !!!انتي عايزاني اجيب طفل ويتعامل زيي يبقي شايف أهله مجرد بنك مركزي ومفيش بيننا مشاعر ...لا مقدرش اعمل كده في طفل برئ ...هو مش عايز يديني ثروته هو حر خلاص ....استني فترة وبعدين هطلقك وهديكي فلوس متقلقيش ده حقك بس طبعا مش مليون أنا مش معايا المبلغ ده ...
ايه رايك طفل !
قاطعتني بسرعة وهي بتقول الكلمة اللي كانت هتجيبلي صدمة عصبية 
بتقولي ايه يا حجة !!
طفل يا احمد ...أنا أعمل