اسكريبت بقلم ايمان شلبي 2
مني لحد اليوم اللي كنت فيه في الكافيه كنت قاعده بفكر ازاي اجيب فلوس عشان اجيب الهديه كنت انت قاعد في الطربيزه اللي قدامي وقالع الساعه بتاعتك ودخلت الحمام عقلي ساعتها شاورلي اروح أسرق الساعه وعاهدت نفسي اول ما احوش فلوسها هرجعهالك بس للاسف حصل اللي حصل ا انا اسفه انا مكنش ينفع اعمل كده س سامحني
شدني لحضنه وانا اڼفجرت في العياط كنت پصرخ وبعيط وبقول كلام مش مفهوم وهو بيطبطب علي ظهري وشعري برقه
بعدني عنه برقه وهو بيمسح دموعي وبيبوس عيوني برقه
حقك عليا وعد مني هعوضك عن كل التعب اللي شوفته في حياتك انا بعتذرلك بالنيانه عن كل اللي آذاكي
حاوطت رقبته وغمضت عيني وانا بقول بدون وعي
انا بحبك
وانا بحبك ياقدري
بعدت عنه وانا بهز راسي برفض
لا يا آدم انا مسامحاهم
مسامحاهم !!!
لولا اللي حصل مكنتش هقابلك
مسك ايدي الاتنين وهو بيبص في عيوني
توء ده قدر ربنا
الحمد لله
باس ايدي برقه وهو بيغمزلي بمشاكسه
نعمم !!
احم لا انتي فهمتي غلط انا بقول تيجي عندي البيت
نعممممم لا بقولك ايه ياعنيا احنا بنات عائلات محتشرمااااات
ألاه أين قدر الرقيقه انا لا اراها !
ا احم انا اصلا في الحقيقه عربجيه بس انا عمري ما اروح اقول
هههههههه طب ياعربجيه هانم تتجوزيني !
بصتله وانا بقول ببلاهه
مش احنا اتجوزنا
طلع علبه حمراء من جيبه وهو بيقعد علي ركبته قدامي وبيفتحها وهو بيبص في عيوني
تقبلي تكملي حياتك معايا ياقدري
حطيت ايدي علي بوقي ودموعي نازله علي عيني لكن دموع فرحه لاول مره وانا بهز راسي وبقعد علي الارض قدامه وبحضنه
موافقه
ضمني وهو بيهمس في ودني بنبره كلها حب وعشق ليا أنا وبس
بحبك
وفي الخلفيه صوت ام كلثوم بيجوب المكان وهي بتقول
عمري ما دوقت حنان في حياتي زي حنانك
ولا حبيت يا حبيبي حياتي إلا عشانك
وقابلت أماني وقابلت الدنيا وقابلت الحب
أول ما قابلتك واديتك قلبي يا حياة القلب
أكتر م الفرح ده ماحلمش
أكتر م اللي أنا فيه ماطلبش
بعد هنايا معاك يا حبيبي
لو راح عمري أنا ماندمش
تمت
اللهم آدم
اتمني النهايه تكون عجبتكم ياقمراتي
إيمان_شلبي
