بقلم زهرة الربيع الجزء الثالث

بعينك هو بيحبني قد ايه
عماد بعصبيه..مش شغلي اتصرف قول انك هتزور خالتك او اي حاجه هو وانا هقولك تعمل ايه كمان.. بس المرادي من غير غلط لان لو حصل غلطه زي المره الي فاتت فيها عمرك
هشام بتوتر ....وانا عملت ايه المره الي فاتت قولتلي هربني من المستشفى وهربتك اعمل ايه تاني
عماد قال بعصبيه...بس انا قولتلك ان بدر لازم يعرف اني مېت ومع ذالك منفذتش وهو عرف اني هربت وطبعا ده بسبب غبائك المهم دلوقتي زي ما قولتلك بكره تروح وتكلمني تبشرني تمام... سلام يا اتش
عماد مشي وسابو بيكلم نفسو وبيقول.....انا ايه الي ورطني الورطه السوده دي ربنا يستر
في القصر بدر رجع وفتح باب الاوضه بعصبيه وشاف غرام نايمه على السرير قرب منها لقاها نايمه وباين من الدموع الي على خدها انها بكت كتير وكانت محضرا شنط سفرهم جمب السرير اتنهد بحزن وخد هدوم ودخل الحمام
غرام لان نومها خفيف صحيت ولما سمعت صوت الميه عرفت انو في الحمام اتنهدت بحزن واستنتو يخرج
بدر خرج وقعد على الكنبه من غير حتي ما يبصلها وقال بضيق وجمود...مفيش داعي للشنط دي احنا مش مسافريين
غرام باستغراب...اققدر اعرف ليه مش الصبح كنت عايزنا نسافر ايه الي حصل دلوقتي
بدر قعد وبصلها پغضب بيحاول يداريه وقال بضيق....عايزه تعرفي حاضر هقولك احنا مش هنسافر علشان لغيت الصفقه ومش اي صفقه دي صفقه بتمنى تكون من نصيبنا من خمس سنين وكمان هندفع الشرط الجزائي مبلغ بسيط قد اربحنا تلت اربع سنين كده دا غير سمعة الشركه الي هيتمسح بيها البلاط 
وقرب عليها پغضب شديد وقال وعارفه دا كلو ليه علشان حبيب القلب دخل شريك علشان يخسرني عايز يدمر كل الي بنيتو وبكل بجاحه جيه لحد عندي في شركتي ... البيه بيتحداني لاكن اقسم بالله مايبقى اسمي بدر القاضي لو ماطلعت عليه القديم والجديد
غرام اټصدمت من كلامو وقالت بتوتر من ڠضبو...قصدك عماد..عماد جالك الشركه وووووووو