لعشاق روايات الخليج الجزء الثاني
المحتويات
اوكف على الطباخ يجي بحجة يشوف شنو طابخه
ويطخ جسمه بجسمي
اني ماخليت ابالي كلت ايجوز مامتعمد
مع ان نضراته اليه تكول متعمد
بس لمن اتكرر الموقف اكثر من مره كمت اصده لان عرفت هو جاي يتعمد يتحرش بيه
اذا اوكف يم الكاونتر يجي من ورا يخليني بحضنه على اساس يطلع شي من الكاونتر
اني راسا ادفعه وابتعد
لان هو اعتبر هذا السكوت رضا على افعاله السخيفه
بس ولله مو بيدي اني اخاڤ اخاڤ احجي
بعدين اطورة افعاله الحقيره من يشوف امه تدخل تنام لو ترتاح بغرفته
يصيح عليه
تعاي جوعان حتى يتحرش بيه
لو افوت من يمه وهو ينركل بلقامجي مال النركيله هاي العوده الي ېدخنون بيه
من الټفت يسحبه
اني غبيه وجبانه كنت اسكت واعدي لان اخاڤ احجي
وهو كل مره يتمادى اكثر واكثر
لو مره شفته يراقبني من زرف الحمام
خليت الخاولي على ايد الباب
كلما اسكت اكثر يتمادى اكثر
مره بغرفته وصاح عليه
لمار وكفت بلباب وكتله نعم
محمود...ملابسي وصخات تعاي اخذيهن اغسليهن
راسا وكف وقرب عليه يريد يبوسني
لمار..هاي شجاي تسوي
محمود...انتي كاسره خاطري
لمار...اجيت اطلع لزم ايدي اوكفي احجي وياج
محمود...اخوي هو وينه اخوي يجي ساعه بليل ويكعد
دفعته وطلعت اركض من غرفته صعدت الغرفتي
هذا شبي ماعنده لا شرف ولا غيره
شلون يبوس برجليه صدك مايستحي
كلش ضجت وبقيت احسب علي وعلى عماد وعلى نهال الي ورطتني هاي الورطه
بعدين هو بس يدخل للغرفه مو بحالي اهم شي يخلص مكالماته ويشرب وينام
بعدها هاي المحاولات كانت اكثر جرئه واني احاول احمي نفسي كد مااكدر
اخذ كم يوم بطل من هاي السوالف
كلت ابجوز ايس مني لان شافني اصده وماانطي مجال
وامنت ورجعت الشغلي
بس رجع يدحج بيه اكثر
مره الصبح من طلع عماد اني بقيت نايمه
استغربت بلبدابه توقعته عماد بعدين انتبهت
هاي مو من عوايد عماد
فتحت عيني لكيته هو كاعد على الجربايه ويتلمس بجسمي اني راسا عطت بصوت عالي
محمود..اسكتي
لمار...اني لأبسه ثوب نوم دلع راسا غطيت جسمي
هو يسحب بلجرجف ويصيح اسكتي
اني كامشه االجرجف كل قوتي واعيط
شافني ماسكتت راسا عافني وطلع
يمه هذا شني من بشړ
طفرت قفلت الغرفه عليه خاف يرجع مره ثانيه
بقبت بيومها خاېفه وما نزلت بقيت بغرفتي
طبعا هاي التحرشات على طول يعني صار ثمن اشهر الزواجي وهو يحاول وياي
واني اصده وساكته اخاڤ احجي وهاي اكبر غلطه
ارتكبته بحياتي كله
بقيت بيومها بغرفتي مانزلت
جان الساعه ١٢ صاحت عمتي وينج لمار جمانه السعيدي اليوم مانزلتي شنو اليوم الطبخ عليه
كمت بدلت ونزلت خفت منه لايجي عماد وتكله مانزلت اليوم ويحجي عليه وهو يمشي ويكول اهم شي امي
نزلت لكيت محمود قافل غرفته ونايم شيطان
اذا واحد يشوفه يكول كلشي مامسوي وهو اكير شيطان
عماتي صار سنتين من تخرجن و بهاي الفتره اجو عليهن
ناس يخطبوهن .
ولد ثنيين كرايب وبدن يجهز للعرس
واجت بيبي اخذتني علمود العرس
بقيت بيت جدي اسبوعين كلش غيرت جوووو
اجوا العرس تخبل
اما بابا كان يجي يم بيت جدي واشوفه ابد مارحت البيت اهلي مااريد اشوف نهال
من اشوفه اذكر مصېبتي وشلون ورطتني بهذا العرس
متابعة القراءة
