قصة مكتملة بقلم شيماء عبدالحميد الجزء الاول

الاول
هتوافقي
مش هوافق
يعني اي
موافقتي شرط لصحة الجواز وغير كدا يعتبر الجواز باطل 
مين اللي قال كدا 
الدين بيقول كدا والقانون بيقول كدا اي جواز يتم بدون موافقة البنت يعتبر باطل واي شيء يتم بناء عليه وڠصب عني ومن حقي ارفع عليكم قضيه وهكسبها بالتأكيد
هتقفي قصاد أهلك يا وتين هتعارضي قرار أبوكي
ولو حكمت هقف قدام الدنيا كلها ومش هسمحلكم تحددوا مصيري ولا تتحكموا فمستقبلي مفيش حد هيعيش المستقبل غيري ولا حد هيعيش مع الشخص ده غيري انا اللي من حقي اختاره لاني انا اللي هبقى مجبورة اتحمله سواء طلع كويس او العكس انا اللي هكمل حياتي معاه ولازم اكون متقبلاه

الدين مقالش تعارضي اهلك والرسول وصى انك تسمعي كلامنا
والرسول وصى بالقبول شرط لصحة الجواز وانا مش موافقة
ابوكي لو سمع الكلام ده هيقتلك
وانا المۏت أهون عندي من اني أتجوز الشخص ده
مش عايزة اسمع الكلام الفارغ ده جهزي نفسك المؤذون علي وصول
لحد دلوقت بقدس العلاقة اللي مابينا ومش ناسيه انك امي بس متوصلنيش لدرجة الكره أرجوكي
انا خارجه وهبعت بنات عمك يساعدوكي قبل المؤذون مايوصل 
انتي كدا بتحكمي عليا بالمۏت باقي عمري يا أمي
لأنك لو فكرتي تخرجي وتقفي قدام ابوكي وتعارضي رأيه هتبقي بتحكمي علينا احنا الاتنين بالمۏت
سابتني وخرجت
كبنت مش من حقي اعترض وكبنت مش من حقي اقول رأيي وكبنت مش من حقي اعيش حره ولا اختار الحياة اللي من حقي اختارها ولا الناس اللي المفروض يدخلوا حياتي او يخرجوا منها كبنت من حقي المۏت وبس
وتين
دخلت بسمله وهي مبتسمه نسيت كل حاجه أول ماشوفتها لابسه فستان زهري طويل بلون عنيها وطرحه روز بتضيف لمعه هاديه لبياض بشرتها بنوته تشبه لعروسة لعبه بفستان العيد ابسط مايقال عنها ملائكيه متشبهش لملامح البشر في شيء واجمل مافيها انها في نفس طولي وده بيخليها بتقدر تحضني وتحتويني وبرتاح لأن ده المكان الوحيد المخصص لراحتي فالعالم حضڼ بسمله وبس
تعالي فحضني يابنتي تعالي ما ده الملاذ الآمن بتاعك
بتتريقي يابسمله
لا وربنا بس مش عارفه اعمل اي ياوتين 
اترميت في حضنها وانا بعيط
مش هوافق يابسمله
ملكيش الحق انك تعترضي
عشان كدا استسلمتي
وعشان عبدالله إنسان كويس
بتضحكي علي نفسك يابسمله انتي أصغر من انك توافقي علي واحد فالوقت ده او ترفضي واللي بيعملوه ده هدم لطفولتك وبراءتك انتي حتي ما فكرتيش تقفي قصادهم وتعارضي او تقولي مش عايزة اتخطب دلوقت بمجرد ماعمي قالك هتتخطبي لعبدالله قولتي سمعا وطاعه
لأن بنات العيله دي مش من حقهم يعترضوا علي شيء ولأن بنات العيله دي مش من حقهم يفكروا ولأن بنات العيله دي مجبورين مش مخيرين ولأن بنات العيله دي يوم مابيفكروا يدوا اشارة لعقلهم يفكر بيتحكم عليهم بالمۏت اقول تاني ولا كفايه ياوتين
يعني اي يعني المفروض اخرج دلوقت قدام المؤذون ويتكتب كتابي وانا ساكته واندفن باقي عمري فبيت واحد مبحبهوش 
بالظبط كدا او يمكن مع الوقت تحبيه
لأ يابسمله مش هعمل كدا ولا هكون نسخه من واحده فيكم أنا اتخلقت صورة واحده ربنا خلقلي عقل عشان افكر بيه مش ارميه علي جنب واقوله عذرا انت غير مهيء للأستخدام الآدمي لأن اهلنا مش شايفين اننا بني آدمين من الاساس مش هقبل اكون نسخه من حد ولا هسمح لحد يكون نسخه بديله عني فاهمه
وهتعملي اي بقا ياوتين هتهربي ولا هتشربي منوم ولا هتنتحري
لأ يابسمله أنا هجهز وهخرج
اتفتح باب اوضتي ودخلت عهد
المؤذون وصل ياوتين
أنا هلبس اهو ياعهد
يعني اي هتلبسي يعني قبلتي بأوامرهم اهو
اتكلمت بسمله
يبقى قبلتي تكوني نسخه تالته مننا مبارك عليكي الجواز يابنت عمي
أو المۏت يابسمله
لبست فستان الفرح وجهزت نفسها قدامهم وهما بيبصولها وبيعيطوا وكأن دموعهم بتعلن عن كل اللي هيحصل وقفت عشان تخرج فجريت عهد ووقفت قدامها
لا ياوتين مش هسمحلك تعملي كدا 
اخدت قراري وهخرج ياعهد
يبقا ھتموتي ياوتين
علي الاقل هيبقى افضل ما اعيش مېته
فتحت الباب واتفاجأت بيوسف قدامها
تعالي معايا أنا ههربك
مش ههرب يايوسف
أنا مليش غيرك ياوتين بلاش تحكمي عليا بخسارتك واشوفك بټموتي قدامي
وعشان انت اخويا اللي بحبه خليك بعيد يايوسف ومهما حصل متدخلش ارجوك
ياوتين عشان خاط....
اتحركت من قدامه ومشيت
يتبع
شيماء عبدالحميد
الفصل الثاني
اتحركت من قدامه ومشيت كانت في ابهى صورها بفستانها الابيض خمرية البشرة بعيون عسلي مع شعر اسود طويل مفرود وفوقيه تاج مميز بيضيف ليها جمال وقوة من نوع تاني كملكه قادرة تحكم العالم كله
دخلت وقعدت جمب المؤذون
اتكلم والدها
ابدأ ياعم الشيخ
وقفت وتين قدام المأذون
أنا مش موافقة علي الجوازة دي ياسيدنا الشيخ
وقف ابوها وعلي وشه اترسمت علامات الڠضب
انتي بتقولي اي
اللي انت رافض تسمعه من الأول يا بابا
انتي عارفه انتي بتقولي اي
وقف المؤذون ووجه كلامه لأبوها
الزواج لا يصح بعدم قبول العروس ياحج سالم
الجواز هيتم ياسيدنا الشيخ  
بص لوتين وكمل كلامه
تحت اي شكل حتي لو اتضطريت اعمل حاجه أنا مش حاببها
مفيش اي نظرة للخوف ظاهرة فعيونها تحدي وبس
يبقى هتضطر تعمل اللي انت مش حابه يابابا وبرضو الجوازة دي مش هتتم
نزل القلم علي وشها بكل قوته ورغم كل الألم اللي حست بيه مصرختش ولا ظهرت اي معالم للخوف علي ملامحها الكل كان واقف ومصډوم عهد وبسمله دموعهم بتنزل بشكل متواصل وامها واقفه والحزن مغطي كل ملامحها بس مش قادرة تتكلم اما يوسف اتحرك عشان يمنع ابوه ويقف قدامه بس مسك ايده عبدلله قبل مايقرب من أبوه
وقف العريس 
شاب في التلاتين من عمره اسمر البشرة بعيون خضره وشعر اسود قصير طويل القامه ورشيق الجسم
خلاص ياعمي بما انها مش عيزاني انا كمان مش عايزها
انت بتقول اي يامحمود الفرح مستحيل يتلغي
ومين قال انه هيتلغي انا هتجوز عهد اختها
وقفت عهد مذهوله
عهد مين واخت مين وانت بتقول ايه انت مبدأيا كدا انا لحد دقيقتين فاتوا كنت بنت خالها لكن دلوقت مش عايزة اعرفها تاني
اتكلم يوسف وكأن الفرصة جاتله لحد عنده زي اي فرصه بتجيله عشان يضايق فيها عهد متعته الوحيدة بأنه يضايقها ويعصبها
بس ياعهد اسكتي ده نصيبك يابنتي لبسوها الفستان
فستان مين ياعم انت انا اصلا مبلبسش أنا اقولك حاجه انا ممكن اوافق ألبس جلابية الراجل اللي هناك ده لكن ألبس الفستان ده علي چثتي 
انتهز يوسف الفرصة وبدأ يرخم أكتر عليها
ابدآ والله مايحصل الراجل شاريكي وخدي اللي بيحبك وسيبك من الاهبل التاني وكل واحد ياخد نصيبه والفستان متفصل عليكي
حاولت تمسك اعصابها ومتغلطش فيه كتمت غيظها وهي بتردد في سرها
ما انت لو تعرف ان االأهبل التاني ده هو انت مكنتش قولت كدا يامغفل
كمل يوسف
بما انك سكتي والسكوت علامة الرضا وكدا يعني علي بركة الله وألف ألف مبرووك وربنا يتمم علي خير ولولولولولولي
وقفت عهد مذهوله وبتبصله پصدمه
هو اي اللي لولولولي انت اهبل يايوسف
اتكلم العريس وهو بيشاور علي بسمله اللي لفتت نظرة بجمالها الهادي
بس ياجماعه خلاص يبقا هاخد اللي واقفه هناك دي
اتكلم عبدلله
نااااااااااعم تاخد مين ياعم احنا هنهزر
وقف الحج سالم قدامه مستغرب اللي بيحصل
انت بتقول اي يامحمود يابني
ولا حاجه ياعم سالم أنا حبيت ألطف الجو بس ونهزر شوية وطبعا عارف ان الانسه بسمله تبقى خطيبة عبدلله وكمان عهد تبقى بنت