رواية مكتمله بقلم سولييه نصار

تعبانة ...مقهو رة ...كلام حماتي كا سر قلبي وانا مش قادرة اتحمل ....
روحي نامي يا دعاء شكلك تعبانة ومرهقة عشان كده مش قادرة تفكري كويس وطلعي العب ط ده من دماغك أنا مش هطلقك ولا هتجوز ...واهدي كدة لو سمحتي ...
وقمت بعصبية وقولت 
لا هتتجوز يا سلطان ...هتتجوز ولو متجوزتش أنا هتطلق منك ولو مطلقتنيش هخلعك ..انت فاهم!!
بصلي پصدمة وقال
تخلعيني !!!
هزيت راسي وقولت
ايوة اخلعك ...لو عايزني اكمل معاك ..اتجوز ...
زعق فجأة وقال
انتي اتجن نتي ...بتعاقبيني على ايه عشان بحبك يعني ...عشان مش عايز اك سرك...مش عايز اتجوز يا ستي ...مش عايز ادخل حد حياتي ..أنا مكتفي بيكي ومش عايز عيال ارتاحتي ...
يبقى طلقني !!!
قولتها بعناد وكانت دموعي بتنزل لوحدها...كنت عارفة اني بد مر حياتي بإيدي بس مقدرتش اسكت...مش هقدر اتحمل ان سلطان يلومني بعدين انه مبقاش اب بسبب انا نيتي...مقدرش !!!
انت مش قادر اصدق ....للدرجادي أنا مش مهم عندك ....مش هتغيري لما اتجوز واحدة تاني ...مش هتغيري لما تكوني قاعدة وعارفة اني في حضڼ واحدة غيرك ...
بلعت ريقي وانا ماسكة نفسي عشان منها رش وقولت
لا مش هغير ...اتجوز انت وملكش دعوة...وانا بنفسي هرقص في فرحك !!
سلطان رفض كلامي اليوم ده وجاتلي حياتي تاني يوم وفضلت تضغط عليا وكل ما كانت بتضغط عليا كنت بضغط على سلطان اكتر لدرجة انه سيبت البيت اكتر من تلات مرات وهو كان بيجيبني لحد ما خلاص استسلم وقرر ينفذ رغبتي ...وخطب بسنت ...البنت اللي كانت حماتي عينيها عليها
خرجت من شرودي وانا بعيط جامد اكتشفت بعد فوات الاوان اني مقدرش اتحمل اشوف سلطان مع واحدة تاني ...من أول خطوبة سلطان وبسنت لما شوفته بيحط الدبلة في ايديها حسيت بنا ر في قلبي ...وكأن حد بيكو ي قلبي ...كنت همو ت وقتها ....حتى سلطان اليوم ده قالي خلينا ننهي الموضوع قبل فوات الاوان وانا اللي مسمعتش الكلام...كنت عنيدة وانا اللي اخدت على راسي في الاخر ....وصلت بيتي أخيرا وانها رت على السرير وانا بعيط جامد ...قلبي واجعني ...بكرة جوزي هيبقى جوزها كمان ...وانا ازاي اتحمل ازاي !! 
دعاء مالك !
قالها سلطان لما دخل عليا ....يظهر انه جه من الشغل بس أنا ماخدتش بالي .....قرب عليا وحضني وانا بعيط ....حضنته كمان بكل قوة وانا شغالة ابكي جامد....
ايه اللي حصل يا حبيبتي ...
سلطان متتجوزش ...ابوس ايديك متتجوزش ....همو ت لو عملتها ...الغى كتب الكتاب !!!
بعدني عنه وهو مصډوم وقال
بتقولي ايه يا دعاء ....ازاي الغى كتب الكتاب اللي هو بكرة....عايزة الناس تشمت في بسنت !!
هزيت راسي وانا بعيط وقولت
مليش دعوة تلغي كتب الكتاب والا تطلقني ....طلقني يا سلطان لو هتتجوزها طلقني!!!!
يتبع
سولييه_نصار
الجزء الخامسشكرا على تفاعلكم السكربقلم سولييه نصار 
خلاص اسكتي يا دعاء ...اسكتي ...
انفج ر فيا جوزي فجأة ...وشي بهت من الصد مة وانا شايفة سلطان جوزي متغير للدرجادي ...كان باين عليه الغ ضب ...
انتي فاكرة العالم كله تحت امرك ...فاكرني لعبة في ايديكي مرة اتجوزها يا سلطان لا متتجوزهاش يا سلطان ...لو متجوزتش تطلقني ولو اتجوزت تطلقني !هو انا زرار يا دعاء تدوسي عليه وانفذلك كل اللي انتي عايزاه ...أنا اتغضيت كتير على اللي بتعمله...قولت معلش معذورة ...عملت كل اللي طلبتيه مني ...مفكرتيش في حالتي وانا شايف أن المفروض مراتي اللي بتحبني رايحة تتقدم عشان تجوزني واحدة تانية وبتقول انه عادي بالنسبالها ودلوقتي بتقول لا أصل غيرت رايي العالم مش تحت