حواديت رقيه

_ ماما خالو حط أيده عليا فى المكان اللى مس روان قالتلي متتخليش حد يجي جمبك فى المكان ده
لفت بسرعه الام وهي بتحط ايديها على بقها
_ ششششش متتكلميش خالص وطي صوتك وبعدين اى العبط اللي بتقوليه هو أنت عينك بدأت تتفتح على الكلام ده بدرى بدرى وبعدين ده خالك عمره ما يعمل كده بنات قليله الادب بصحيح
اتكلمت پخوف

_ماما انا مش مرتاحه متخليهوش يجي جمبي تانى انا هقول لبابا علشان يخليه يبعد عنى ويمشي من هنا
قربت منها الام تانى
_انتي عارفه لو فتحتي بوقك بكلمه تانيه انا هعمل اى انا ومحدش هيعرف قومي يلا جهزى معايا الغدا علشان خالك جعان من بدري
صحيت رقيه بخضه
منه بخضه
تعالى يا حبيبتي اشربي مياه نفس الکابوس تانى يا رقيه رقيه لازم تروحي تتعالجى مش طبيعي كده !
اتكلمت رقيه بتعب
انا كويسه انا كويسه كملت بعياط لا مش كويسه! انا مش عارفه لى مقدرتش ادافع عن نفسى ساعتها لى مصوتتش وخليت البيت كله يعرف أنه متحرش لي سكت وضيعت حقي !
منه بشفقه
رقيه الاحساس بالذنب ده وحش اوى ولوم النفس وټعنيفها عمره ما هيحل اللي فات بكره هنروح لدكتوره ممكن تعالى نامى علي رجلي تعالى هشغل قرآن يا حبيبتي
تانى يوم
الدكتوره
اتفضلى انا عرفاكى وعارفه إنك بتدي ندوات كتيره ل البنات عن التحرش وازاى البنت تحافظ على نفسها من اقرب الناس ليها كمان أنا بفرج بنتي على كل الفيديوز بتاعتك
رقيه ببهتان
بس انا مقدرتش احمى نفسى ساعتها انا لحد دلوقتى بخاف انام من غير غطا فى عز الصيف انا لحد دلوقتى مش ناسيه اللي حصل فيا وانا طفله لسه مش قادره حتى ادافع عن نفسى! بس ساعتها ماما كدبتنى واتهمتنى اني بحب الفت الإنتباه
الدكتوره بهدوء
حكيتي لحد تانى فى العيله غير مامتك
رقيه بتذكر
ايوه حكيت لخالتو وساعتها واجهته وهددته إنها هتفضحه وساعتها وقف اللي عمله
الدكتوره
طب ما أنت كده عملتي حاجه ودافعتي عن نفسك ! أنت وقفتي الاذى اللي كان هيحصلك لسنين كتيره لى بتلومى نفسك وبتعنفيها 
وقفت رقيه بغل
مكانش كفايه! كان لازم ېموت لاني لسه متعافتش المفروض ميكونش وسطنا هنا ويأذى بنات كتير ملهومش ذنب غير انهم اتولدو بنات!!!
طلعت رقيه من العياده وهي بټعيط وركبت عربيتها وهي بتزعق
_يا غبيه يا غبيه! لي عملتي في نفسك كده لي سمحتي إنه يعيش وسطكم عادى! عاجبك تكونى هربانه من بيتكم وهو عايش فيه واكيد مكفاش اللي عمله فيكى أنت اللي عملتى في نفسك كده حرام والله حرام !!!
سكتت لما لقت حد بيركب عربيتها
على وهو باصص في التيليفون
_ يلا يسطا اتحرك بس بالله عليك بسرعه علشان متأخرش
لفت رقيه وشها بإستغراب
_ حضرتك مين واى اللي دخلك عربيتي بالشكل ده انت عايز تخطفنى!!
رفع على راسه بخضه
_ اااا هو أنت مش انت