بقلم زهرة الربيع الجزء الثاني

غرام بابتسامه...ابننا يا عمري مش انا حامل
بدر بصلها باستغراب مش فاهم تقصد ايه بالي بتقوله وسحر كانت هتقع من طولها قالت...حامل...حامل ازاي يا بدر
غرام بصتلها باستفزاز وقالت...هو ايه الي ازاي هو انا متجوزه راجل ولا رجل كنبه واحده متجوزه طبيعي تكون حامل وبصت لبدر وقالت...مبروك يا قلبي
سحر اتنرفزت جدا شدت بدر عليها وقالت بعصبيه...يعني ايه الكلام ده بقى ها انت مش قولتلي انكم عايشيين اخوات

بدر مسح على وشو بضيق ونفاذ صبر وقال....وانتي مصدقه كلامها يعني دي رجعت البيت من تلت ايام الدكتوره عرفت انها حامل في تلت ايام متشغلي مخك يا سحر وبص لغرام بغيظ وقال....كفايه عليا مجنونه واحده
غرام مبتسمه ولا كانو بيقول فيها شعر قالت...مقبوله منك يا حبيبي بس ده مش جنان ولا بهزر انا فعلا حامل وبصت لسحر وقالت....اولا يا سحر انا حامل من تلت شهور مش من تلت ايام يعني من قبل ما ادخل المصحه ومرضتش اقول لبدر قلت يعرف لما اخرج علشان يفرح اكتر وثانيا بقى هو اي حاجه بدر يقولها تصدقيها على طول في راجل يكون متجوز واحده في جمالي سنه كامله وعايشين اخوات واحده في ذكائك تصدق الكلام ده بردو
سحر پصدمه ..يعني ايه يعني بيضحك عليا يعني انتي كنتي عارفه انكم متجوزين
غرام بضحكه خفيفه...طبعا يا حببتي عارفه امال هيتجوزني من غير ما اعرف بس انتي الي غلطانه بتصدقي بسرعه يعني انا مثلا ديما يقولي يا حببتي انتي الوحيده في قلبي سحر دي جواز بزنس مصلحه يعني اروح اصدقو على طول لا طبعا الرجاله ملهاش امان
بدر كان واقف هيتجنن من كلامها بس بيحاول يسيطر على نفسو وسحر قربت منو وقالت بدموع انا غلطانه اني صدقتك وقلعت الدبله ورمتها في وشو وجريت على فوق تلم هدومها
بدر كان باصص لغرام بغيظ وڠضب ولسه هيتكلم غرام قالت ...قديمه قوي رميت الدبله دي .. يلاخدت الشړ وراحت ولا يهمك يا عمري
بدر اتقدم عليها بطريقه ټرعب وقال انتي...
بس غرام قاطعتو وقالت بسرعه....عن اذنك يا ماما صفاء هطلع ارتاح علشان دايخه وطلعت بسرعه تحت نظرات بدر المصډوم منها حرفيا
بدر ضم ايديه پغضب وحاول يهدى وياخد نفس وكان طالع ورا سحر بس امه مسكت ايده وقالت...استنى يا بدر مراتك حامل فعلا انت كنت معرفها انكو متجوزين
بدر خد نفس بضيق وقال وهو بيحاول يكون هادي...انتي كمان هتصدقي الجنان ده يا ماما عن ازنك هطلع لسحر اراضيها ونتكلم بعدين وطلع ورا سحر على اوضتها
بدر اول ما طلع لقا باب اوضة سحر مفتوح دخل لقاها بتلم هدومها في الشنطه بسرعه وپتبكي وفي قمة التوتر
بدر اتنهد بضيق وقال..بتعملي ايه يا سحر
سحر بصتلو پغضب وقالت....اكيد شايف بعمل ايه وابتسمت بسخريه وقالت انهرده قلت لبابا يبعتلي حاجتي مع السواق كنت فاكره اني هفضل كتير على ما اعرف حقيقتك
بدر قال بضيق...انا مش فاهم اذاي بتكدبيني وبتصدقي غرام وانتي عارفه انها تعبانه ومش مسؤله عن كلامها
بقلمي... زهرة الربيع
سحر قربت عليه وقالت پغضب...لا يا استاذ كلامها مش كلام واحده مجنونه ابدا ده انا الي مجنونه لأني صدقتك هي معاها حق ازاي أمنتلك أصلا
بدر قال بنرفزه...انا مش فاهم ايه الي يخليكي تصدقي كلامها اصلا مفيش سبب واحد يخليكي تصدقي الهبل ده
سحر بصت في عنيه بتحدي وقالت...لا فيه ...فيه اسباب واولهم عنيك يا بدر انا اكتر واحده بتفهمك من عنيك ومش محتاجه اسباب اكتر وكملت بدموع ..عنيك بشوف فيهم نظره ليها مش بشوفها