رواية مكتملة بقلم آيه محمد

بعدين حست كأن الدنيا بتاخدها لعالم تاني... 
محستش بنفسها غير و هي في المستشفي و قاسم جمبها ماسك في إيديها و عنية بتدمع و هو باصص في الأرض...
فرح أنا في المستشفى!
قاسم فرح أنتي فوقتي!! أنتي كويسه.. حاسه ب اي.. هنده للدكتور لحظه...
فرح بدموع ماټت وهي بعيدة عننا.. ماټت و بابا ڠضبان عليها!
قاسم أهدي ي فرح و خلي عندك يقين انها متكونش صاحبة الچثة.. أنا خليتهم أخدوا منك عينة و انت نايمة و حاليا هيبدأوا في التحاليل كلها.. كام يوم بس و نعرف..

فرح بابا عايش علي أمل أنها تيجي و تطلب منه السماح.. علي أمل انه هيشوفها تاني.. علي امل ان اللي بيحصل دا مؤقت.. أوعي تقوله حاجه عشان خاطري..
قاسم حاضر بس أهدي و أدعي انها تكون كويسه.. هروح اجيبلك حاجه تشربيها عشان الډم اللي أخدوه منك...
فرح بدموع قاسم..متسيبنيش لوحدي..
قاسم عنيه دمعت وقرب جمبها وقعد و هي لسه بټعيط و هو قلبه واجعه يمكن زيها و أكتر... 
حاسس انه رجع لنقطة الصفر تاني...
و إحساس ان فرح بدأت تتعلق بيه و أنه مصدر أمان ليها زاد لغبطته أكتر.. 
ولهفته علي عياطها و تعبها في قلبه أكبر من لهفته للحقيقة...
قاسم فرح مش هي كلمتك وقالتلك علي عنوانها..
فرح مش هتلاقيها..
قاسم مش فاهم!
فرح انا كدبت عليك.. أنا.. روحت للعنوان اللي هي قالتلي عليه بس ملقيتهاش.. ولقيت الشقة اللي بعتتلي عنوانها ناس تانين واخدينها و عايشين فيها...
قاسم طيب ادي العنوان ل زياد.. المعلومات الصغيرة دي بتفرق بالنسبالهم..
فرح ماشي هو فين..
قاسم هو أتطمن عليكي و بعدين راح يكمل شغله..
فرح خلاص هوصفلك العنوان و أنت قولهوله...
قاسم ماشي....
قاسم فضل مع فرح كل ثانية في المستشفي لحد م خرجوا سوا بعد م بقت كويسه.. و شاف أن الأفضل يوصلها لبيتها...
قاسم خير ي فرح ان شاء الله خير..
فرح ي رب... مستر قاسم مش عاوزة بابا يعرف اي حاجه...
قاسم أولا تناديلي ب أسمي ي فرح.. تاني حاجة لو مقولتيش لوالدك ازاي بكرا اجي و نقرا الفاتحة و أنتي نفسيتك كدا..
فرح هتحامل علي نفسي عشان خاطر بابا... بس مش عاوزاه يحس بحاجه..حتي لو هي اټوفت أنا مش هقوله... ولا أنت هتقوله صح!!
قاسم اللي يريحك.. يلا أطلعي و هكلمك أتطمن عليكي..
فرح تمام..
فرح رجعت لبيتها قبل م حد يشوفها دخلت لأوضتها و هي بتحاول تتماسك.. 
قعدت علي طرف سريرها و فتحت محفظتها اللي احتفظت فيها دايما صوره ليها هي و أختها...
فرح تعبت و انا بضحك علي نفسي اني بكرهك بس انتي وحشتيني أووي... ليه تفجعي قلبي عليكي كدا!ليه عملتي فينا كدا..
اليومين كانوا صعبين بالنسبة لفرح.. و اكتر بالنسبة لقاسم اللي كان بالفعل بين نارين.. 
بس كان أمر خطوبتهم كان لازم يمشي طبيعي قدام والدها... 
قاسم لبس احسن ما عنده و معاه أخواته وراح لبيت فرح.. 
قعد مع والدها و أتفقوا علي كل حاجة سوا..
جلال يعني أنت ي ابني محتاج وقت قد اي عشان تجيب شبكتها..
قاسم أنا معايا ي عمي الحمد لله و ممكن دلوقتي ننزل نشتريلها شبكتها..
جلال لا ي ابني لازم تقعد مع نفسك و تشوف مقدرتك اي حاليا...
قاسم معايا ي عمي الحمد لله و اللي فرح عاوزاه انا هعملهولها.. و انا شايف ان خير البر عاجله يعني بما أننا كلنا مجتمعين يبقي نقرا الفاتحه و ننزل نشتري الشبكة وتبقي خطوبة..
جلال اي رايك في الكلام دا ي فرح..
فرح بهدوء اللي حضرتك شايفه ي بابا..الرأي رأيك أنت...
عادل م خير البر عاجله صحيح ي عم جلال و افرح بالبت و الراجل جاهز اهوه..
جلال و والدك ي ابني!
قاسم اانا.. والدي مسافر و هو هيجي علي الفرح ان شاء الله...
جلال طيب ي جماعه..موافق.. نقرا الفاتحه..
قروا الفاتحة و عايدة زغرطت و هي بتحضن في فرح و مبسوطة ان اخيرا ربنا عوضها... بعدها نزلوا كلهم يجيبوا الدهب..
فرح أختارت حاجات بسيطة بكل هدوء بس قاسم اشترالها ضعف اللي هي اختارته و لبسلها دبلتها و هي كذلك... 
خالد شغل أغاني و بدا يرقص عليها هو و عايدة عمتها و قاسم و فرح بيسقفوا بهدوء... 
و في يوم و ليلة و بعد م كان الأمر قراية فاتحه بقت فرح خطيبة قاسم رسمي... 
فرح تغيبت عن الشركة لحد م موضوع اختها يخلص لأن حالتها النفسيه مخلياها مش مركزه...
قاسم بكرا النتيجة..
فرح بقلق عارفه.. ربنا يستر..
قاسم أنا عارف انك قلقانه ي فرح.. و حاسس بيكي..
فرح بنفي انا حقيقي محدش. حاسس باللي انا فيه.. انا تعبت و مبقيتش فاهمه اي الغلط اللي عملته عشان امر بكل دا..
قاسم طب أنتي عارفه انا قلبي بيقولي انها مش اختك..
فرح ي رب... ي رب متكونش هي ي رب...
قاسم بحزن هعدي عليكي بكرا عشان نروح ل زياد هتكون النتيجه وصلتله..
فرح تفتكر هعرف أنام الليلة دي..
قاسم اه هتعرفي و خلي عندك يقين بالله..
فرح قاسم انا مش عارفه اشكرك ازاي علي وقفتك جمبي طول الفترة دي..
قاسم بحزن أنتي متستاهليش كل الحزن دا ي فرح و أنا متأكد ربنا هيجبرك.. يلا نامي دلوقتي تصبحي علي خير..
فرح و أنت من اهله...
تاني يوم فرح و قاسم كانوا قدام مكتب زياد و كل واحد فيهم ضربات قلبه مش
منتظمه.. 
قاسم اللي أتجدد أمله في أن زينة تكون عايشة و في نفس الوقت مۏت غرام بالنسباله صعب انه يتحمله.. 
أما فرح كانت خاېفه انها تسمع اسم غرام و عاوزة تهرب من هنا ب اي شكل...
فرح ب خوف قاسم أدخل أنت و أنا هستناك تقولي النتيجه..
قاسم خليكي قوية ي فرح.. سمي الله و تعالي..
فرح بدموع ي رب...
قاسم و فرح دخلوا لمكتب زياد اللي استقبلهم في مكتبه..
زياد المعمل لسه باعتلي النتيجة من دقايق..
فرح غرام ماټت صح
زياد لا... الچثة مش لأختك.. الچثة لبنت أسمها زينة عبد الله..
ويتبع.. 
بقلمي آية_محمد_عامر 
حكاية_فرح
إبن_صاحب_الشركه...

 

Part 14 إبن_صاحب_الشركة
زياد لا... الچثة مش لأختك.. الچثة لبنت أسمها زينة عبد الله..
فرح عيطت و حطت إيديها علي وشها و هي بتحمد ربها انها مطلعتش أختها.. 
قاسم قلبه وجعه من كل اللي بيحصل دا... وقف قدام فرح و مسك إيديها و أخدها لبرا بهدوء من غير ما يتكلم... 
ركبوا العربية و فرح بدأت تهدي وهي بتقول الحمد لله...
قاسم الحمد لله ي فرح.. خلينا نروح مكان نقعد فيه و تهدي و تغيري جو شوية..
قاسم اتحرك بالعربية من غير ما يستني ردها و هي بقت اهدي و مسحت دموعها و عياطها قل...
فرح انا نكدية صح من أولها كدا..
قاسم بهدوء ده مش نكد ده وقت صعب و أنتي مش روبوت يعني.. كل دا فوق طاقتك..
فرح شكرا ي قاسم..
قاسم ب إبتسامة تحبي تروحي فين!
فرح بصراحه بقي انا بقالي يومين مكلتش حاجه.. و جعااانه..
قاسم ب ابتسامه ماشي ي ستي تحبي تاكلي اي!!
فرح امممم.. كشررري..
قاسم بضحك يعني اول مره نخرج بعد خطوبتنا أجيبلك كشړي..
فرح انا نفسي فيه...
قاسم ماشي ي ستي ناكل كشړي..
قاسم أخد فرح و راحوا لمطعم كشړي و قعدوا سوا مستنين الأكل..
قاسم خلاص كدا الأحزان خلصت.. قوليلي بقي عاوزة توصلي لأختك ولا لا!
فرح ربنا يسعدها معاه.. وصولي ليها او رجوعها هيفتح ڼار كبيرة في حياتي أنا و بابا.. و انا م صدقت ان بابا بيتحسن بشكل كبير الحمد لله اخر فترة..
قاسم الحمد لله يلا كلي..
فرح ماشي..
قاسم اااي ي بنتي كل دي شطه!
فرح أوعي تقولي انك مبتحبش الشطه..
قاسم بحبها بس قليل بس في اكلات معينه..
فرح مهو اكلات معينه دي المفروص ان الكشري منهم.. شكلنا كدا هنعاني مع بعض..
قاسم عشان الشطه!!
فرح أنا بحط شطه علي اي حاجه بطبخها..
قاسم لا دا انا شكلي هشرف عند الدكتور من أول أسبوع جواز... بمناسبة الجواز أنا شوفت كذا شقة و أختارت تلاته تنقي انتي بقي واحده منهم.. 
كلهم في اماكن كويسه و قريبة من الشركة و من بيت والدك..
فرح اي مكان ي قاسم..
قاسم ازاي اي مكان.. دي البيت اللي هنعيش فيه سوا.. لازم كل حاجه فيه تكون من أختياري انا و انتي..
فرح طيب وريني صور ليهم..
قاسم تمام استني..
فرح شافت الصور و ريكشنات وشها بتتغير و هي بتشوف الشقق اللي قاسم مصورها..
فرح أحلف
قاسم بإستغراب احلف ليه!!
فرح ان دي الشقق اللي المفروض انقي منها!
قاسم اه والله هي... اي مش حلوين!
فرح لا دول حلوين أوووووي.. تحفه فنيه والله بس دول هتلاقيهم غالين أوي..
قاسم مفيش حاجة تغلي عليكي ي فرح..
فرح ب إستغراب اي!
قاسم اي! الشقة هتتكتب ب أسمك أنتي..
فرح ب دهشه دا بجد.. بس دا ليه!
قاسم و فيها اي انا و أنتي هنكون واحد ي ستي..
فرح اه بس دا مش في اتفاقات الفرح..
قاسم انتي فقر ليه! دي ملهاش علاقه ب اتفاقات الفرح.. نقي بقي شقه هخلل جمبك و شكلي مش هتجوز.. فرح انا عندي 29 سنه عاوز اتجوز قبل م اكسر التلاتين..
فرح بضحك ليه هتعنس!
قاسم تقدري تقولي كدا...
فرح طيب.. احم.. تقدر تيجي تتفق مع بابا علي معاد الفرح..
قاسم احلفي!
فرح اه والله.. بس دا مش معناه تحطهولي ف اخر الشهر..
قاسم بصي احنا نرجعهم شهرين زي م اتفقنا في الاول بلاش تلاته..
فرح خلاص ماشي.. مش عارفه جوازة اي دي اللي في شهرين..
قاسم بغمزة جوازه فرح و قاسم..
فرح احم.. طب كل كشړي قبل م يبرد و أتفضل بقي هاتلي كماله..
قاسم كماله اي انتي واقفه علي عربيه..
فرح علفكرا اي محل كشړي بيبقي فيه كماله عادي..
قاسم اه بس مش المحل دا... و بعدين اسمه مطعم..
فرح مطعم ولا محل اسمه اي.... وريني المنيو دي كدااا.. ي نهار اسود اي الأسعار دي... ده شوية رز و مكرونه..
قاسم بضحك اصل الكشري دا حياتي حياتي حياتي..
فرح دا انا كنت هعزمك علي ايس كريم من ابو خمسه جنيه.. شكلي اي دلوقتي بقي..
قاسم ب ابتسامه اي حاجه منك حلوه.. و بعدين انا اللي عازمك يبقي انا اللي اجيب الأيس كريم..
فرح لا انا اللي عازماك علي الايس كريم و انت عازمني ع الكشري..
قاسم اه بس مينفعش تدفعي و انا موجود..
فرح و اي اللي قل نفعه بقي عشااان انت راجل و انا ست..
قاسم اااااااااه..أهلا أهلا.. هو انتي منهم..
فرح اي منهم دي بقاااا..
قاسم مااا علينا... بس ي حبيبتي مينفعش بالنسبالي تدفعي وانا موجود..
فرح في نفسها اي حبيبتي دي بقااااا....
فرح احم.. خلاص انا هعزمك و انت تدفع..
قاسم جمله متناقضه بس اوكيه..
فرح طيب يلا بينا..
قاسم و فرح خرجوا من المطعم و بدأوا يتمشوا سوا علي الطريق زي م قاسم حابب عشان يتعرفوا علي بعض أكتر.. و اشترالهم أيس كريم..
قاسم ب إبتسامة تدوقي الفانيليا مع الشكولاته جامده والله...
فرح المانجا تكسب..
قاسم بحبها عصير مش ايس كريم..
فرح بحبها في كل حالاتها..
قاسم بيتكلم مع فرح و بيفتح مواضيع معاها عشان يتعرفوا مع بعض اكتر و فرح كانت مبسوطه لأن قاسم شبهها في حاجات كتير من اللي اتكلموا فيها.. و قفوا عن الكلام لما بنت شاورت من عربيتها لقاسم و وقفت قصادهم...
مليكه قاسم ازيك..
قاسم بخير ي مليكة اي أخبارك..
مليكة انا تمام.. و حشتني اوي مبقناش نشوفك في الشركة ليه!!
قاسم ااه.. معلشي ماسك شغل والدي اليومين دول..
مليكة بس بردو مينفعش تغيب كدا..
فرح بهمس مين الظريفه..
قاسم احم.. مليكة عارضه ازياء معروفه و شركتنا متعاقده معاها في عروض الازياء.. متعرفيهاش!!
فرح ولا سمعت عنها..
مليكة بصت لفرح من فوق لتحت و كأنها بتقيمها و بعدين ردت..
مليكة واضح..
قاسم فرح تبقي خطيبتي و خلاص اهو فرحنا قريب ي ريت تبقي تنورينا..
مليكة بغيظ إن شاء الله.. هسيبكم بقي قبل م الأيس كريم يسيح..
مليكة ركبت عربيتها و سابتهم و مشيت و فرح واقفه ھتنفجر من الڠضب..
فرح ب تريقه هيسيح ازاي بكتلة البرود اللي انتي فيها ي اختي...
قاسم بضحك اهدي.. 
فرح م انا هادية اهو و باكل ايس كريم.. مين بقي دا كنتوا متصاحبين..
قاسملا خالص هي..
فرح هي اي!
قاسم طلبت الجواز مني بس انا رفضت..
فرح بعدم فهمت طلبت الجواز ازاي! اتقدمتلك يعني..
قاسم اه..
فرح بضحك اي دا!!
قاسم زي م بقولك كدا قالتلي عاوزة أتجوزك.. خبط لزق كدا.. انا مكنتش معجب بيها و عمري بس هي شخصيه مهمه بالنسبه لشركتي و شغلي ف تعاملي معاها لازم يكون كويس و لما رفضت كان بشياكه كدا...
فرح و اي اللي خلاك ترفض!
قاسم ااممم.. مش شبهي و لا شبه الحياة اللي انا عاوزها..
فرح و اي شكل الحياة اللي أنت عاوزها..
قاسم عاوزها ابسط مما تتخيلي ي فرح.. بيت بسيط و هادي و محترم.. و ولاد اوربيهم صح و يكونوا ناجحين في حياتهم و فاهمين في الدين عني ويكونوا احسن مني.. 
اللي زي مليكه عاوزة حياه شو.. بين الكاميرات و الصحفيين و انا عاوز بيت.. 
و يمكن انتي الوحيدة اللي حسيت اني هلاقي البيت دا معاها..
فرح بخجل بجد!
قاسم ايوا بجد.. أنتي حلوة اوي ي فرح.. من جواكي حلوة بنت ناجحه و حنونه اوي علي والدها.. يمكن لو تعبت تشيليني زي