السواق والجميله

خۏفك هو اللي يحركها و وقتها هتيجي علي مرتبك لان القطعة الواحدة لما بتبوظ بتبقي بمرتب يومك كله مفيش حاجه صعبة ده احساس الخۏف من التجربة و ده شئ طبيعي الحكاية محتاجه تركيز و سرعة عشان كده المكنة دي مفيش منها غير واحده هنا و الجديدة اللي قدامك دي هتبقي ليكي و تحت ايدك !
ابتسمت _هحاول ان شاء الله شكرا جدا
هز راسه و متكلمش
قمت و قعدت قدامه وهو قعد ع الماكنة و بدأ يعلمني آخر مرحلة عشان كنت فهمت كل حاجه خلال اليومين دول مفيش غير الحتة اللي بيعيدها دي و كده يبقي خلاص .
النهاردة اليوم التالت بدأت اشتغل علي الماكنة و كنت مبسوطة لما خرجت اول قطعه من تحت ايدي محمد جه راجع ورايا و كان مبسوط اني ف اليوم التالت بدأت شغل علي طول و اتعلمتها ف يومين بس
عز كان جنبي بيفصل بيني و بينه طرقة صغيرة كان سريع لا سريع جدا ف شغله و ده كان بيديني روح منافسة اني ابقي زيه و احسن منه كمان مكنتش مصدقة كلامهم عنه أنه شخص مبيتكلمش لحد ما شوفت ده بعيني انه ممكن يقعد طول اليوم ساكت بس علي قد شغله بس الغريبة اني محستش انه كئيب زي ما الكل قالي حتي لو مبيضحكش .
عدا يومين و كنت بطلع شغل حلو عجب محمد و المدير
نزلت للمدرسة بما اني ف تالتة صنايع شعبة ملابس ف اكيد كنت بدرس كل أنواع المكن و ازاي اتعامل و كان عندي هوس بالمجال ده ف ده بيخليني احب مذكراتي و شغلي اول اسبوع عدا و كنت حاسة بإرهاق شديد بروح المدرسة من ٦ الصبح و اخرج ١٢ اروح عند تيتا اغير هدومي و اطلع علي الورشة ارجع الساعة ٧ جسمي كان متكسر حقيقي
القطعة باظت من تحت ايدي لما سرحت و انا بفكر ف مسألة معرفتش احبها امبارح شلت الهاند بسرعة و مكنتش عارفة اعمل اي !!
قعدت متنحة و محمد عدا عليا ف خبيتها جنبي بسرعة و كملت شغل
جه وقت الرست و مخرجتش عشان ارجع اشتغل علي القطعة اللي بدأت اشوف هعمل اي فيها مكنتش لاقية مخرج قعدت ربعت ايدي و حطيت راسي علي المكنة و بصيت للأرض 
برفان عز احتوا المكان ف الاكيد انه دلوقتي جانبي علي ماكنته محبتش أرفع راسي مكنتش ف مزاج اني اخرج برا
_احم .. انتي كويسة 
اخدت نفس و رديت بسرعة و انا لسه ساندة راسي لا
_ ف حاجه 
رفعت راسي و طلعت القطعه و شاورت علي اللي عملته
اخدها و بص شوية و راح شغل المكنة بتاعته
رحت أقف قدامه و اشوفه هيعمل اي
حط القطعه تحت الابرة و قالي لما يحصل كده تاني اعمل اي و خرج القطعه سليمة!!
اخدتها بسرعة وانا بضحك _ شكرا شكرا جدا بجد م عارفة اقولك اي
قعد بثبات و بصلي من غير ما يدي ريأكشن متقوليش حاجه ده كان المفروض اعلمه ليكي ف انا اللي غلطان و صلحت الغلط
ضحكت بفرحة و شكرته تاني
في الوقت ده دخلوا بنتين و قعدوا يبصوا عليا و يبصوله بنظرات رخمة كده
رجعت قعدت علي ماكنتي عشان مكنش هيكون فيه وقت اخرج للرست الكل قرب يدخل
مر شهرين علي وجودي ف الورشة المرتب الشهر ده بقا اعلي من اللي فات عشان الماكنة اللي قعدت عليها بس التعب بقا مضاعف عن الأول عشان المدرسة و المذاكرة
طلعنا الرست و اخدت الاكل و كالعادة طلعت اقعد لوحدي علي السلم برا بس الغريبة ان لقيت عز قاعد ف اخر السلم
بصيت بأستغراب و عينه جت ف عيني بتركيز شديد رجعت بصيت للأرض و قعدت مكاني علي اول السلم و بدأت اكل
اتوترت لما لقيت برفانه محتوي كل المكان حواليا و خۏفت اكتر حد من البنات يعدي ف يشوفنا و يتقال كلام ف حقي مش عايزاه ف خلصت اكل بسرعة و دخلت الورشة
_تاني مرة يا مروان لما تحط الشغل بلاش ترميه كده ابقي رتبه 
بصلي و اتكلم بصوت عالي هو انتي بتتنكي علي اي ابقي قومي هاتيه انتي
وقفت و كلمته بعصبية _ متعليش