السواق والجميله

يقعد علي كل أنواع الماكن اللي هنا بس مبيتعاملش خالص ملوش ف الكلام نهائي مع نفسه و الهاند و شغله انتي شوفتيه صح 
ضحكت اه انا شوفته مرتين بس عيني مجتش ف عينه لانه عدا بسرعة كده لما كان خارج للرست تقريبا مش مستضنف الناس هنا
_لا هو كئيب اسألي العيال الصغيرة كده و قوليلهم عز هيقولولك الكئيب مبيضحكش خالص يا به خالص يخربيته
انا هخليه يضحك متقلقيش
ضحكت بتريقة_ ده ف خيالك المهم انتي كده آخر يوم معانا ف الرست
برقت لها اه صح !! ده الخط بتاعهم بيخرج قبلنا و بيدخل قبلنا يعني معني كده مش هقعد معاكم ف الرست تاني !
_ مش مشكلة اقعدي ف الرست و هنتقابل ف الخروج و نمشي سوا
يخربيت الظووولم هرجع اقعد لوحدي تاني
تاني يوم
رحت الخط التاني كان فيه ناس متعملناش سوا و م عارفاهم بس انا كنت لمحت عز مرتين ف اكيد عارفة شكله رحت له و وقفت قدامه اخدت نفس
_ انا موج بعتني مستر محمد من الخط اللي جوا عشان..
بصلي و رجع برأسه لورا و خلع الهاند من ودنه مسمعتش معلش عايزة حاجه 
اي قلة الذوق دي اهزقه دلوقتي !!
كشرت و كلمته _ انا موج بعتني مستر محمد من الخط اللي جوا عشان..
رجع بص للماكنة و اتكلم ايوة محمد قالي اتفضلي اقعدي هنا
قعدت علي المسند اللي قدامه كان عالي و كنت قدامه بالظبط ظبط قعدته و بدأ يبصلي و يتكلم بملامح كلها برود
_ بصي هنا هتحطي اول الخيط و هتعديه علي كل الفتحات اللي هنا دي و بعدين تحطيه هنا و بعدين
صوته كان هادي زي موسيقي هادية كده ودنك تحب تسمعها ع طول يمكن ده اللي خلي دماغي لفت و حسيت اني توهت
بصلي بتركيز و اتكلم معايا 
_ ها اه اه
متاكدة
_بصراحة لا 
طب بصي هعيد تاني بس ركزي عشان مش بحب اعيد الكلمة مرتين
اتعلمت حاجات بسيطة و رجعت كملت شغلي ف الخط التاني طبعا لما رجعت خطي كمية أسئلة اتكلمتوا ف اي !اتكلم معاكي! و هكذا كل ما حد من البنات يعدي عليا
تاني يوم 
قعدت قدام عز بدأ يعيد و يعلمني شوية و يقوم و يخليني اقعد مكانه و
كان بيقف قدامي ف ده كان موترني او ريحة برفانه و صوته اللي موترني بس اخدت نفس و وقفت الأفكار دي بصيت و ركزت ف اللي بعمله و حسيت انه مبسوط اني استوعبت بسرعة
جه وقت الرست و خرجت قعدت لوحدي علي السلالم برا بعيد عن مكان البنات اللي محدش فيهم طايقني من اول ما دخلت و مكان الرجالة عز عدا من قدامي عشان كان برا بيجيله اكل بصلي نظرة مفهمتهاش و مشي .
اكلت و دخلت قبل ما الرست ينتهي بربع ساعة قعدت علي ماكنة عز و حاولت اجيب حتة قماشة من اللي ع الارض و احاول اشتغل زي ما هو بيعمل
اندمجت اوي و حبيت المكنة جدا ريحة بيرفم عز كانت علي المكنة و علي المقص و علي كل حاجه حسيت بحاجه حلوة انه سايب اثره علي كل حاجه كده لدرجة ان كف ايدي بقا فيه برفانه حسيت اني مبسوطة مش عارفة ليه بس حسيت بكده
فوقت علي صوته _ برافو 
قمت وقفت بسرعة اسفة علي التطفل ده
قعد قدامي قعده كلها ثبات _ حاجه كويسة انك بتستوعبي بسرعة بس ابقي استأذني المرة الجاية لما تقعدي ع ماكنتي 
قعدت تاني و متكلمتش حسيت بأحراج او انه شخص عديم الذوق!
الرست خلص و بدأنا شغل و كان دوري اني اقعد ع الماكنة كنت حاسة بتوتر و مكنتش عارفة اعمل حاجه
قعد قدامي و بص الناحية التانية و اخد نفس و رجع بصلي ببرود
_ انتي كنتي لسه بتشتغلي ع الحتة اللي ع الارض دي اي اللي حصل م فاهم 
بصيت للأرض مش عارفة بس حاسة اني قلقانة 
مين اللي متحكم في المكنة انتي ولا هي 
_ انا !
اتكلم بجدية و هو بيبصلي و بيبص للماكنة يبقي انتي اللي تقدري تمشيها بأيدك و تبقي تحط امرك و تطلعي الشغل مظبوط او