السواق والجميله

انتي حواليا متبعديش تاني يا بنتي
_ يا جدو يا حبيبي انا مقدرش ابعد عنك بس انا مش معايا هنا لبس مكنتش عامله حسابي و كمان كتبي و ..
مفيش بس ولا حاجه بكره انزلي انتي و عيسي القاهرة و هاتي كل حاجاتك و هديكي فلوس اشتري اللبس اللي انتي عايزاه
_ يا جده طب هروح ازاي من المنصورة للقاهرة كل يوم وانا عندي امتحانات وفي رمضان
عيسي هيوديكي مكان ما انتي عايزة انتي شاوري بس
بصتله و مكنتش لاقية مخرج _
حاضر يا جده بس لحد العيد بس
نزلنا تاني يوم القاهرة انا و عيسي و جبت باقي هدومي و كتبي من الشقة بتاعت سكن الجامعه و احنا في الطريق للمنصورة المغرب اذن علينا.. عيسي استأذن و نزل من العربية وانا كلمت جده وقولتله انه يفطر لاني لسه قدامي كتير و قعدت العب ف الموبايل لحد ما عيسي ييجي
فتح الباب و بصلي وهو بيبتسم _ انزلي يا هانم
هروح فين
_انزلي بس
نزلت و مشيت وراه
لقيته مجهز ترابيزة علي عربية ف الشارع و حاطط عليها اكل
رجع الكرسي لورا عشان اقعد
ابتسمت _ حركة راجل جنتل دي خلي بالك
ابتسم وهو بيقعد ع الكرسي اللي قدامي
كله يلين عشان خاطرك يا ست موج
ابتسمت و بدأت اكل وانا بتكلم معاه واول مرة احس اني مرتاحه اتكلم مع حد معرفوش كده
_انت متعلم يا عيسي 
انا متخرج من كلية تجارة
_اووه ! و بتشتغل سواق 
اكل عيشي بقا
_ كويس انك بتحاول تكون حاجه
كلنا بنحاول بإختلاف اسباب محاولتنا
_ صح معاك حق
قعدنا اتكلمنا كتير في مواضيع بسيطة ملهاش علاقة ببعضها و بعدها جابلي شاي و كنت اول مرة اكل ع عربية في شارع و كوباية شاي معمولة بحب كده
و جه الوقت اللي هنمشي فيه و المفروض كنت اركب في الكرسي اللي ورا بس المرة دي انا اللي روحت ناحية الباب و ركبت ع الكرسي اللي جنب عيسي شوفت ابتسامته و هو بيلف عشان يركب و يسوق
مشينا شوية وانا كنت ببص ع البيوت و انا مبسوطة حاسة اني مرتاحة فيه راحة كبيرة في قلبي حساه هادي و فيه دفا هل عليا من الكام دقيقة اللي عدوا وصلنا البيت وقبل ما انزل
بصتله شكرا ع الفطار الحلو ده
_ كله من خيركم يا ست موج
ابتسمت تقدر تقولي موج بس ده انت حتي أكبر مني ب خمس سنين
_ مقامك ع راسي
ابتسمت و مشيت
عدا اسبوع و بدأت امتحن جدي كان معايا و بيطمن عليا زينات كانت كل يوم تطلع و تعملي شاي ف كنت بسيبه و مش بشربه ولا حتي الاكل بأكله إلا ع الفطار عشان جدي ابنها بحر لحد دلوقتي مشفتوش كنت اتمني اشوف اكتر انسان بكرهه شكله عامل ازاي .. عيسي كان كل يوم بيوديني الامتحانات و يجي ياخدني و مفيش مرة طلعت استنيته حتي لو طالعة من الامتحان بدري كنت بطلع القيه و المسافة بين القاهرة و المنصورة رايح جاي خلقت بينا كلام كتير كلام خلاني احس اني اعرف عيسي من زمان..عيسي عارف عني كل حاجه فاكر كل صوري و انا صغير بحب اكل اي و بحب اعمل اي
في خلال اسبوع بس قدر يوصلي اني لقيت حد بعد كده اطمن وهو موجود انا بقيت اطلع من الامتحان عشان اقوله كل حاجه كتبت اي و اي وقف قدامي و المراقبين و نقعد نضحك
ابتسم _بتحبي انتي تركزي مع رجلي ف السواقة 
ده انا قعدت في الكرسي اللي جنبك عشان اراقب حركة رجلك
رفع حاجبه بإبتسامه_ ده اهتمام
فضول انت طالع طويل لماماتك ولا لباباك
_ لوالدي الله يرحمه
و ماماتك 
_لا ماما قصيرة 
معاك صورة لها
_ ها!لا للاسف 
ابقي عرفني عليها
اتكملت بتوتر_ يشرفني ..يشرفني يا موج
كان صعب عليه اوي يقولي يا موج من غير ست هانم لكن دلوقتي بعد محاولات كتير بقت سهلة الحمدلله
_ النهاردة اصعب مادة يا عيسي و منمتش و خاېفة اوي
قولي دايما لا إله إلا أنت سبحانك إني كنت من الظالمين و كل حاجه هتكون بخير وانا قاعد هنا لحد ما تيجي و تتطمنيني
_حاضر ادعيلي
عيوني
دخلت الامتحان و كنت كل