السواق والجميله

وانا صغيرة طب والله لما اروحله
_ لا يا آنسة ده جدك كان بيقعد يحكي للست زينات عنك ف كنا دايما بنسمع حكاويهم عنك
طب خلاص خلاص متجبش سيرتها و سوق و انت ساكت
_......
نزلت اشتريت لجدي العصير و كملنا في الطريق فضلنا ساكتين لحد ما وصلنا القرية بتاعت جدي في المنصورة و نزل السواق عيسي اخد الشنط حطيت رجلي عن لبلد اللي بعيدة عنها بقالي 15 سنة بصيت للشارع و بصيت للبيت حسيت اني عايزة اعيط جايز عياط اشتياق او عياط ملوش مسمي
كانت اللي اسمها زينات دي واقفة عند الباب بتبصلي و بتضحك دخلت و مبصتش عليها تاني قربت خطوتين كمان لقيت جدي كان قاعد ع كنبة في المضيفة .. ماسك عكازه دخلت و فتحلي درعاته و بيضحك
_ وحشتني وحشتني اوي يا جدو
البيت كله نور يا حبيبتي البلد كلها نورت يا غالية يا بنت الغالي
بعدت شوية و قعدت ابصله و حزنت علي شكله التعبان والمرهق جدا
_ يلا ندخل جوا اوريكي اوضتك بعد ما جددتها ليكي
اخدت ايده و سند عليا بأيد و بالأيد التانية ساند ع بالعكاز
كلمته بإستغراب انا سه أوضتي موجودة يا جدو 
_ ولا حد يقدر ياخدها بعدك دي مكتوبة بإسم موج بس
دخلنا للبيت و طول ما انا ماشية فيه ببتسم ابتسامه فيها عياط عارف لما تكون حاسس انك بقالك كتير مطمنتش لأنك مش في المكان الصح و فجأة رجعتله فجأة حسيت انك لقيت مكانك تاني 
دخلت الأوضة وانا ببتسم و ببص حواليا الوانها اتغيرت لكن كل حاجه لسه زي ما هي حسيت ان دماغي و قلبي رجعوا 15 سنة ورا لما كنت بلعب بالعروسة عند شباك الاوضة اللي بيطل ع الجنينة و بابا يجي يمشي ايده ع شعري
مقدرتش اتمالك نفسي و عيط و انا بقعد ع السرير السرير اللي نمت عليه أيام كلها امان و ملمسهاش ذرة خوف
جدو قرب مني و اخدني في و هو بيطبطب عليا
و متكلمناش كل اللي عملته اني فضلت ف حضڼ جدي لحد ما قومت ع صوت حد بيصحيني
_ موج يا حبيبتي قومي يلا عشان الفطار
بدأت افتح عيني براحة و بصيت لقيتها زينات .. قمت بسرعة و شيلت ايدها من عليا پعنف
ايدك دي متتحطش عليا تاني و لا يبقي فيه اي كلام بيني و بينك خلال اليومين اللي قاعدة فيهم هنا انتي فاهمه ولا لا
بصت للإرض و اتأسفت و خرجت 
قمت لبست ترنج و سيبت شعري و خرجت عشان افطر مع جدو
_ ده انا عملته مخصوص عشانك يا موج لاني عارفة انك بتحبيه
بصيت لها بنرفزة متشكرة انا مباكلوش
كانت لسه هترد لقيت اللي جاي من وراها و بصلي و تنح
_ انت 
بصلي و ابتسم ازيك يا انسه 
مردتش عليه و بصيت ل جدو
_اهلا يا عيسي يا بني اتفضل تعال
يتفضل فين يا جدو ده ..
جدو بصلي و برق ف سكت
بدأت اكل في طبق الرز اللي قدامي
زينات اتكلمت _ انا اللي عملتلك كل الاكل يا موج كل الاكل الحلو ده عشانك
قمت و انا متنرفزة مش قادرة اسمع صوتها او تمثيلها ده سبت السفرة و خرجت
دخلت اوضتي و قفلت عليا الباب بعد شوية لقيت الباب بيخبط و كان جدو فتح الباب و دخل ..دخل لقاني بعيط
قرب و قعدت جنبي و طبطب ع ايدي و سكت
_ مكنتش اتمني اني ابعد عن هنا ابدا يا جدو كان نفسي حد فيهم يحاول عشاني بس يحاول عشاني
متظلميش ابوكي يا موج الله يرحمه حاول كتير .. امك دايما اللي كانت ع لسانها انها عايزة تتطلق عايزة تتطلق.. عشان تروح تتجوز اللي معاه دلوقتي
_ حتي لو هي كده يقوم يرميني و ميسألش عني ميحاولش يعرف انا فين او مع مين او ...
سألنا و قلبنا الدنيا و امك اخدتك في محافظة غير بتاعتها عشان منقدرش نوصلها كانت مفكرة انها كده بتعاقب ابوكي بس هي فعلا قدرت تعاقبه لفينا كتير و بعد عشر سنين عرفنا انها رجعت تاني للقاهرة عند اختها بس بعد اي يا بنتي كان ابوكي ماټ..ماټ و كان طول العشر سنين نفسه