لن يحبني الجزء الثاني
المحتويات
كل واحد بيرقص مع واحده
عمرو عايزه تقولي ايه
عائشه مستغربه
عمرو من ايه
عائشه ازاي بيقبلوا مراتاتهم يرقصوا مع رجاله غيرهم
عمرو ملناش دعوه
عائشه بس انت بتشتغل معاهم
عمرو بشتغل اه ... أتأثر بيهم لاء ... انا راجل وعندي نخوه
عائشه ضحكت وقالت وانت لو كنت زيهم كان عمو حبسك في البيت
عمرو بقولك ايه يلا نتخانق ... ده انتي دمك سم
عمرو لاء مهو ... اصل انا كلمت بسنت وقالتلي أنها تعبانه ... فقولتلك
مردتش فقال سكتي ليه
عائشه هو انت مش شايف أن بسنت دي استغلاليه
عمرو أنا شايفها احسن واحده
عائشه هيا فعلا جميله بس حبك ليها مانعك تشوف حاجات لازم تشوفها
عمرو انتي بتقولي كده عشان غيرانه منها ... عشان هيا احلى منك
قالت كلامها وراحت جابت شنطتها وخرجت ... استوعب اللي حصل وخرج وراها مسك دراعها
عمرو أنا مكنتش اقصد
شدت دراعها وقالت ولو تقصد حتى ... كلامك مش هيفرق معايا ... كده كده احنا مش لبعض ... روح شوف حبيبتك اللي بتهرب منك ومش هاممها شكلك قدام حد ... ده لو كانت تعبانه اساسا
وصل البيت ودخل كانوا متجمعين كالعاده صباح وكوثر وسما
صباح اومال فين عائشه
عمرو هيا مرجعتش
صباح انتوا مش خارجين مع بعض
عمرو ايوه بس
صباح بس ايه
عمرو هرن عليها
صباح انت سبتها ليه اصلا
عمرو هيا اللي سابتني ومشيت
صباح المفروض تكون رجعت ... مش امانه في ايديك هيا
صباح أما نشوف ... اتفضل شوفها فين
رن عليها بس مردتش ... حاول مره واتنين بس مردتش
عمرو رني عليها انتي كده
فتحت كوثر التليفون ورنت
كانت قاعده والفون بيرن ... مردتش اول مره لما كوثر رنت ... جت تقفل الفون لقت كوثر بترن ففتحت عليها
عائشه نعم
كوثر انتي فين قلقتينا عليكي
عائشه في ايه هو أنا صغيره ... نص ساعه وراجعه
عائشه شويه وراجعه ي ماما
صباح سبتي جوزك ومشيتي ليه
عائشه سلام ي ماما
قفلت فقالت البت دي عامله كده ليه
عمرو المهم انها كويسه
خرج وركب عربيته وراح عند بيت بسنت ... فضل واقف شويه بيفكر في كلام عائشه ... كان لسه هيرن عليها لاقاها نازله من عربية واحد ودخلت عمارتها ... مشي ورا العربيه اللي نزلت منها ... ورن عليها
بسنت ايه الډخله دي
عمرو بقولك انتي فين
بسنت في البيت ليه
عمرو مجيتيش معايا ليه انهارده
بسنت م قولتلك كنت تعبانه ومش قادره
عمرو يعني انتي منزلتيش انهارده
بسنت لاء ... أنا اصلا بكلمك وانا في السرير
عمرو طيب ... سلام
قفل معاها ولما لقي العربيه ركنت ونزل منها واحد ... نزل من عربيته وناداله
عمرو يا برنس
_ بتكلمني أنا
عمرو ايوه انت
_ اؤمر
عمرو انت مرتبط
_ يهمك في ايه يعني
عمرو لاء من ناحية يهمني فهو يهمني جامد
_ هو انت تعرفني اصلا
عمرو لاء ... بس محتاج اعرف حاجه كده
_ اه مرتبط
عمرو قابلتها انهارده
_ وانت مالك يعم
عمرو مقولتلك عايز اعرف حاجه
_ اه لسه سايبها اصلا
عمرو مرتبط بيها
_ اه والله في ايه
عمرو اسمها بسنت
_ اه ... عرفت منين
عمرو تعالي نقعد في حته ونشوف الحوار ده
وافق وراحوا اقرب كافيه
_ قولي بقا في ايه وتعرفها منين
عمرو انت تعرفها بقالك قد ايه
_ سنه
عمرو ممكن تقولي علاقتك بيها عامله ازاي
_ انت بتسأل ليه هو فيه حاجه
عمرو أنا مرتبط بنفس البنت
_ نعمم
عمرو زي م سمعت ... اكتشفت انهارده أنها مرتبطه بيك ... صدفه
_ انت كداب
عمرو ياريت ... ياريتني كداب
_ أنا ايه يثبتلي انك بتتكلم صح
فتح فونه ووراه صورهم مع بعض
عمرو ايه رايك
_ مش كفايه
رن عليها وفتح الاسبيكر
بسنت ايوه ي حبيبي
عمرو كنت عايز اسألك سؤال ي بوسي
بسنت اسأل
عمرو هو عيد ميلادك كان تلاته شهر ٤ ولا اربعه شهر ٣
بسنت شهر ٤ ي حبيبي
عمرو كنتي قايلالي نفسك في ايه
بسنت عربيه
عمرو ماشي
متابعة القراءة
