رواية مكتملة بقلم عمرو راشد-1
المحتويات
شوفتها قبل كدا كتير
فين في الشارع
في الحلم
ازاي يعني
انا حلمت ب رقية اكتر من مرة و هو دا السبب اللي مخليني عايز اقرب منها
وهو اي حد نشوفه في الحلم نقرب منه يعني انا لو شوفت واحد مېت في الحلم اروح اقتل نفسي عشان ابقا قريب منه قول كلام ينفع اصدقه يا فارس
والله انا ما بكدب أنا فعلا شوفتها في الحلم وكان باين ان عندها مشكلة وفي حاجة بتمنعني عنها
ممكن انا معرفش
طب بص يا فارس انت شكلك طيب و ابن ناس لولا كدا انا كان زماني مبلغ عنك دلوقتي وعشان كدا هنصحك واقولك ان موضوع جوازك من رقية دا صعب
صعب ليه
رقية مريضة يا فارس عندها مرض نفسي خطېر رقية عدوانية جدا مبتسمعش كلام حد ولا بيهمها اي شخص بتعمل مشاكل كتير جدا وانا من ضمن الناس اللي اتأذيت بسببها لانها عملتلي أكتر من مشكلة في شغلي الدكاترة بيقولو ان دي حالة اضطراب ما بعد الصدمة لان أبوها اللي يرحمه توفى ومن ساعتها انا واختها بنحاول نبعدها عن الناس بقدر الإمكان عشان متعملش اي مشكلة تانية
ماهو دا طبع رقية تكون هادية معاك في الأول وبعد كدا تبدأ المصېبة الكلام دا انا مكنش ينفع اقوله بس انا كان لازم احذرك خصوصا انك مصمم على كلامك
كانت صدمة كبيرة بالنسبالي مكنتش قادر استوعبها حاسس بتشويش في دماغي صوت وليد نفسه مكنتش قادر اسمعه بعد مرور ثواني صوته رجع يقرب تاني وسمعته بيقول
شكرا
بقلم عمرو راشد
قومت مشيت وخرجت من الشركة مكنتش عارف اروح فين فضلت ماشي في الشوارع مكنتش مصدق اي كلمة من اللي سمعتها في حاجة غلط اكيد انا مش غبي عشان ملاحظش عليها اي حاجة من اللي قالها وليد الساعة كانت 1 الضهر ولقيت رسالة من رقم غريب كان مكتوب فيها
مكنتش محتاج اعرف مين اللي بعت الرسالة ساعتها علطول ركبت تاكسي و روحت على مكان الكافيه وصلت في معادي بالظبط ودخلت لقيتها قاعدة على نفس الترابيزة رغم اني كنت مضايق ساعتها بس معرفتش اكتم ابتسامتي لما شوفتها مجرد بس ما اشوفها بحس ان الحياه جميلة أوي بحس اني لازم أعيشها مليون مرة وفي كل مرة هختارها برضو قعدت قدامها وكانت عاقدة حواجبها
ممكن تقولي ايه اللي انت عملته امبارح دا
كانت مضايقة وساعتها حسيت ان كلام وليد ممكن يكون صح وقولت في سري
الحالة باين عليها اشتغلت
انت بتقول ايه
مبقولش حاجة قوليلي انا عملت ايه
انت ازاي تيجي تتقدملي وانت متعرفنيش أصلا ولا أنا اعرفك
ماهي الخطوبة اتعملت عشان نتعرف على بعض مش كدا ولا ايه
انا بجد اسف انا مكنتش اقصد اعملك مشاكل بس..
بس إيه قول اللي عندك
بصراحة انا كنت لسة مع وليد جوز اختك وقالي على اللي حصل ليكي
حسيت ان عنيها بدأت تدمع وقالتلي
قالك هيرجعني المستشفى صح عشان خاطري يا فارس قوله ميرجعنيش انا مش عايزة اروح هناك
مستشفى ايه بس فهميني
مسحت دموعها وقالتلي
انا دخلت المستشفى فترة عشان أعصابي تهدى هما كانو بيقولولي اني بعمل مشاكل وبتخانق مع الناس بس أنا مش فاكرة اي حاجة من دي أنا في حاجة غريبة كانت بتحصلي زي ما يكون مكنتش في وعيي وأنا بعمل كدا
هو مين اللي قال انك تدخلي المستشفى
وليد هو عمل كدا عشاني وعشان شركة بابا لانه كان خاېف المشاكل دي تأثر على الشركة
ايه شركة بابا دي هو ابوكي عنده شركة
ايوا الشركة اللي وليد بيشتغل فيها دي بتاعت بابا
انا كدا فهمت
فهمت ايه
رقية أنتي عندك مانع اننا نتجوز
تاني تاني يا فارس
المرادي مفيهاش هزار انا بتكلم بجد وليد هو الرياح الشديدة اللي بتمنعني عنك في الحلم
متابعة القراءة
