رواية مكتملة بقلم عمرو راشد-1
المحتويات
و لقيت ان عندي حق وعشان كدا انا بجدد طلبي وعايز اتجوز رقية
انت مش هترتاح غير لما ټتسجن صح
اتسجن ليه هو انا عملت ايه أنا جايلك اهو من الباب وبقولك عايز اتجوز رقية
وانت معاك ايه عشان تتجوز رقية
شوف طلباتك ايه وانا موافق
ساعتها مشي من قدامي ودخل الفيلا وانا دخلت وراه لقيته فتح باب كبير كان جواه المكتب بتاعه قعد على الكرسي وقالي
اي حاجة هتقولها انا موافق عليها
منين يا فارس اللي انا اعرفه عنك انك على قد حالك يعني
والله انا شايف اننا نسأل رقية احسن وهي اللي تقرر انت مش وكيلها عشان تتكلم معايا
انا هنا راجل البيت دا دي الأصول برضو ولا ايه
اصول بس هي برضو لازم تبقا موجودة في القعدة دي
تمام طلباتك ايه
عينها كانت عليا وجواها كلام كتير ولكن في الاخر هي مردتش عليا ولكن وليد قام من مكانه و شدني من الچاكيت بتاعي
انت عايز مننا ايه تحب اطلبلك البوليس دلوقتي
البوليس لو هييجي دلوقتي هياخدك انت يا وليد عشان الناس اللي انت بعتها يضربوني
ناس مين ايه الكلام الاهبل دا
طب انا لاخر مرة هقولك امشي و ملكش دعوة بينا
انا مش هخرج من هنا غير لما توافق على طلبي
انت غبي!! قولتلك رقية مخطوبة
مفيش دبلة في ايدها
ملكش دعوة خليك في حالك احنا ناس مبنحبش نلبس دبل
انا مش مچنون عشان اصدق الكلام دا
ساعتها رقية قامت من مكانها وقالتلي بصوت هادي
امشي يا فارس عشان خاطري امشي
كنت ببصلها مرة وببص على وليد مرة وفي النهاية انا قررت امشي لان حاسس ان في حاجة غريبة بتحصل ووجودي هنا مش هيحل حاجة خرجت من الفيلا و رجعت البيت امي قابلتني ساعتها و اول ما شافتني صړخت وقالت
اتحركت من عند باب الشقة و روحت قعدت على الكنبة
مفيش يا ماما خناقة بسيطة مع واحد معايا في الشغل
خناقة ايه يا فارس من امتا وانت بتتخانق يا ابني
يا ماما عادي فيها ايه يعني
فيها انك راجع متبهدل بالشكل دا
انا هدخل انام
انت ماشي في سكة غلط يا فارس
سكة ايه مش فاهم
مانا طول عمري ماشي صح كنت استفدت ايه
انا ابني فارس عمره ما يرد رد زي دا وانا كدا اتأكدت فعلا ان في حاجة غلط
قومت مشيت من قدامها ودخلت اوضتي أنا فعلا مش مستحمل اي كلام دلوقتي كل تركيزي في البنت دي الموضوع بيتعقد زيادة وسط تفكيري في حل لمحت على الكوميدينو جنبي الكارت بتاع وليد خدته وأنا مقرر اروحله بكرا الشركة بتاعته أنا لازم افهم في ايه وفعلا مجرد ما الصبح طلع لبست ونزلت و روحت الشركة وطلبت اقابله وطبعا مقولتش على اسمي الحقيقي للسكرتيرة عشان لو كنت قولت مكنتش هدخل دخلت و هو كان قاعد على مكتبه وباصص في الورق اللي قدامه ساعتها اتكلم وقال
خير اقدر اساعدك ازاي
انا عايز اتجوز رقية
ساعتها رفع عينه و بص ليا بتعجب وعلى عكس المتوقع لقيته هادي جدا وقالي
اتفضل اقعد يا فارس
قربت من المكتب وقعدت فعلا على الكرسي اللي قدامه بعدها قالي
تشرب حاجة
شكرا مش عايز
تمام ندخل في الموضوع علطول هو سؤال واحد و ارجوك تجاوبني بصراحة انت عايز ايه من رقية
قولتلك أنا عايز اتجوزها
هو انت تعرفها يا فارس اصلا انت تعرف ايه هنا
ماهي قالتلك احنا صحاب
طب احنا عايزين نتكلم بصراحة للاخر اولا لو انتو صحاب يا فارس كنت عرفت انها ليها اخت توأم ومكنتش هتتلخبط بينها وبين اختها
ماشي انت صح أنا فعلا معرفش رقية بس انا
متابعة القراءة
